ಚಿತ್ರ-ವಿಚಿತ್ರ

ಮೊದಲು ಕನ್ನಡ ಕಲಿಯಿರಿ !

2012-01-12T11:46:00.000+05:30

ಎಲ್ಲರಿಗೂ ತಡವಾಗಿ ಹೊಸವರ್ಷದ ಶುಭಾಶಯಗಳು. ಸೋಮಾರಿಕಟ್ಟೆ ಬ್ಲಾಗ್ ನ ಶಂಕ್ರಣ್ಣ ಈ ಫೊಟೋವನ್ನು ನಮಗಾಗಿ ಕಳಿಸಿಕೊಟ್ಟಿದ್ದಾರೆ. ನಮಗೆ ಕನ್ನಡ ಕಲಿಯಿರಿ ಎಂದು ಆಜ್ಞೆ ಹೊರಡಿಸಿರುವ ಪುಣ್ಯಾತ್ಮ, ನಿಮ್ಮ ಭಾಷೆ ಯಾವುದೇ "ಹಾಗಿರಲಿ" ಎಂದು ಬರೆದು, ತಾನೆಷ್ಟು ಕನ್ನಡ ಕಲಿತಿದ್ದಾನೆಂದು ತೋರಿಸಿಕೊಂಡಿದ್ದಾನೆ. ಜೈ ಭುವನೇಶ್ವರಿ.

ಫೋಟೋ ನಿಮಗಾಗಿ :)

ಫಲಕೋತ್ಸವ-ಸೀಸನ್ ೩-೩೯

2011-12-27T09:00:00.000+05:30

ನಮ್ಮ ಮೈಸೂರಿನ ಜಿ.ಟಿ.ಆರ್. ಹೋಟೇಲಿನಲ್ಲಿ ಕಂಡ ಫಲಕ :-)

ಫೋಟೋ ಕೃಪೆ: ಚೈತನ್ಯ ಎನ್.

ಫಲಕೋತ್ಸವ ಸೀಸನ್ ೩-೩೮

2011-12-20T09:00:00.000+05:30

ಫಲಕದ ಬಗ್ಗೆ ಮಾತಿಲ್ಲ...ನೋಡಿಬಿಡಿ.

ಫೋಟೋ ಕೃಪೆ: ಚೈತನ್ಯ ಎನ್.

ಫಲಕೋತ್ಸವ ಸೀಸನ್ ೩-೩೭

2011-12-13T09:00:00.000+05:30

ಮಹಾ ಸೇಲ್ + ಮೆಗಾ ಸೇಲ್ = ಮಗಾ ಸೇಲ್ ಇರಬಹುದೇ ? ;-) ತಮಿಳುನಾಡಿನ ಮತ್ತೊಂದು ಫಲಕ :-)

ಚಿತ್ರಕೃಪೆ: ಚೈತನ್ಯ ಎನ್.

ಫಲಕೋತ್ಸವ ಸೀಶನ್ ೩-೩೬

2011-12-06T09:00:00.000+05:30

ಮೀಈಈಈಈಈಲ್ಸ್. !!!!

ಫೋಟೋ ಕೃಪೆ: ಚೈತನ್ಯ ಎನ್

ಫಲಕೋತ್ಸವ ಸೀಸನ್ ೩-೩೫

2011-11-29T09:00:00.000+05:30

ಊಟಿಯ ಬಳಿ ಕಂಡ ಫಲಕ. ನನಗಂತೂ ಅರ್ಥವಾಗಲಿಲ್ಲ.ನಿಮಗೇನಾದರೂ ಅರ್ಥವಾಯಿತೇ ?

ಫೋಟೋ ಕೃಪೆ: ಚೈತನ್ಯ ಎನ್.

ಫಲಕೋತ್ಸವ ಸೀಸನ್ ೩-೩೪

2011-11-22T09:00:00.000+05:30

ಛಾಯಾ ಪಾಪ ಯಾಕೆ ಫೋಟೋ ತೆಗೆಯಬಾರದು ? ಪದದ ಮಧ್ಯದಲ್ಲಿ ಒಂದು ಸ್ಪೇಸ್ ಏನಲ್ಲಾ ಅರ್ಥಗಳನ್ನು ಕೊಡಬಹುದು ಅಲ್ವ ?

ಫೋಟೋ ಕೃಪೆ: ಅರುಣ್ ಎಲ್.

ಫಲಕೋತ್ಸವ ಸೀಸನ್ ೩-೩೩

2011-11-15T12:54:00.001+05:30

ಕನ್ನಡ ರಾಜ್ಯೋತ್ಸವದ ಸುಸಂದರ್ಭದಲ್ಲಿ ಅನುಭವ ಮಂಟಪದ ಪಾಲಚಂದ್ರ ಅವರು ಕಳಿಸಿಕೊಟ್ಟ ಈ ಚಿತ್ರಗಳನ್ನು ನಿಮ್ಮ ಮುಂದೆ ಪ್ರಸ್ತುತ ಪಡಿಸಲು ಇಚ್ಚಿಸುತ್ತೇವೆ. ಚಿತ್ರದ ಬಗ್ಗೆ ನಾವೇನೂ ಮಾತಾಡುವ ಹಾಗಿಲ್ಲ. ಕನ್ನಡ ತಾಯಿ ಭುವನೇಶ್ವರಿಯನ್ನು ತಾಯಿ ಭುವನೇಶ್ವರಿಯೇ ಕಾಪಾಡಿಕೊಳ್ಳಬೇಕು ಅಷ್ಟೇ !ಜೈ ಕರ್ನಾಟಕ.

ಚಿತ್ರ ಕೃಪೆ: ಪಾಲಚಂದ್ರ

ಫಲಕೋತ್ಸವ ಸೀಸನ್ ೩-೩೨

2011-11-04T19:14:00.002+05:30

ಇಷ್ಟು ದಿನದಿಂದ ಬ್ಲಾಗ್ ಗೆ ಯಾವುದೇ ಪೋಸ್ಟುಗಳನ್ನು ಹಾಕದೇ ಇದ್ದುದಕ್ಕೆ ಕ್ಷಮೆ ಯಾಚಿಸುತ್ತಾ, ಅಭಿಮಾನಿಗಳೊಬ್ಬರು ಕಳಿಸಿಕೊಟ್ಟ ಫೋಟೋದಿಂದ ಸರಣಿಯನ್ನು ಮುಂದುವರೆಸುತ್ತಿದ್ದೇವೆ. ಫೋಟೋಗಳನ್ನು ಕಳಿಸಿಕೊಟ್ಟ ಶಿವಚಂದ್ರ ಅವರಿಗೆ ಕೃತಜ್ಞತೆಗಳನ್ನು ತಿಳಿಸುತ್ತಿದ್ದೇವೆ.

ಅವರ ಅನಿಸಿಕೆಗಳು:
These 2 snaps which i had captured @ wayanad last month .

We often find some Funny English Information Board at Kerala
and that also at a Tourist Place especially.

Really feeling bad to to see such Spelling mistakes at a Place where they say 100% literate state.

ಫೋಟೋಗಳು:

ಫಲಕೋತ್ಸವ-ಸೀಸನ್ ೩-೨೧

2011-05-24T09:00:00.000+05:30

ಕರ್ಮಕಾಂಡ.ಅಷ್ಟೇ.

ಫೋಟೋ:ಪರಿಸರಪ್ರೇಮಿ

ಫಲಕೋತ್ಸವ-ಸೀಸನ್ ೩-೨೦

2011-05-17T09:00:00.001+05:30

ಬೆಂಗಳೂರಿನಲ್ಲಿ ಡೆಲ್ಲಿ ಮೆಟ್ರೋ ಬೋರ್ಡು ! ಅದೂ ಕನ್ನಡದಲ್ಲಿ !ಜೈ ಮೆಟ್ರೋ ! ಜೈ ಕರ್ನಾಟಕ ಮಾತೆ !

ಫೋಟೋ ಕೃಪೆ: ಶ್ರೀನಿಧಿ ಡಿ.ಎಸ್.

ಫಲಕೋತ್ಸವ-ಸೀಸನ್ ೩-೧೯

2011-05-10T09:00:00.001+05:30

ಕನ್ನಡ, ಇಂಗ್ಲಿಷ್ ಮತ್ತು ಸಂಸ್ಕೃತವನ್ನು ೧:೧:೧ ಅನುಪಾತದಲ್ಲಿ ಮಿಶ್ರಣ ಮಾಡಿ, ಈ ಬೋರ್ಡನ್ನು ಬರೆಯಲಾಗಿದೆ.ಆಂಗ್ಲ ಪದಕ್ಕೆ ಸಂಸ್ಕೃತದ ವಿಭಕ್ತಿ ಸೇರಿಸಿ ಆ ಹೊಸ ಪದವನ್ನು ಕನ್ನಡದಲ್ಲಿ ಬರೆದಿರುವ ಈ ಪುಣ್ಯಾತ್ಮನಿಗೇ ಔಷಧಿಯ ಅವಶ್ಯಕತೆ ಇದೆ ಅಂತ ನನಗೆ ಅನ್ನಿಸಿತು.ಸಾಲದಕ್ಕೆ, ಆಂಗ್ಲವನ್ನು ಸಾರಾಸಗಟಾಗಿ ಕೊಲೆಗೈದಿದ್ದಾನೆ.

ಈ ಫೋಟೋ ನಾನೇ ತೆಗೆದಿದ್ದಾದರೂ ಇದರ ಹಿಂದೆ ಒಂದು ಸ್ವಾರಸ್ಯಕರ ಕತೆ ಇದೆ. ಒಂದು ಮದ್ಯಾಹ್ನ ನಮ್ಮ ತಂದೆ ಫೋನ್ ಮಾಡಿ, "ಲಕ್ಷ್ಮೀ, ನಾನು ಮತ್ತು ನಿಮ್ಮಮ್ಮ ವಿದ್ಯಾರ್ಥಿ ಭವನದಲ್ಲಿ ದೋಸೆ ತಿಂತಿದಿವಿ, ನೀನು ಫ್ರೀ ಇದ್ರೆ ಬಾ" ಅಂತ ಅಂದ್ರು. ನನಗೆ ವಿದ್ಯಾರ್ಥಿ ಭವನದ ದೋಸೆ ಅಂದರೆ ಪಂಚಪ್ರಾಣ. ನಾನು ಆಗ ಕಡೆಯ ಸೆಮ್ ಎಮ್.ಎಸ್ಸಿ ಓದ್ತಿದ್ದೆ. ಲ್ಯಾಬ್ ಇರ್ಲಿಲ್ಲ ಆದ್ದರಿಂದ ಆಟೋ ದಲ್ಲಿ ಗಾಂಧಿ ಬಜಾರಿಗೆ ಬಂದೆ. ವಿದ್ಯಾರ್ಥಿ ಭವನದಲ್ಲಿ ದೋಸೆ ತಿಂದ ನಂತರ, ಅಣ್ಣ, " ನೀನೊಂದು ಫೋಟೋ ತೆಗಿಬೇಕು" ಅಂದ್ರು. ನಾನು " ದೋಸೆದಾ ?" ಅಂದೆ. ಅದಕ್ಕೆ ಅವ್ರು, ಇಲ್ಲ, ಒಂದು ಬೋರ್ಡ್ ದು. ನಿನ್ನ ಬ್ಲಾಗಿಗೆ ಸರಿಗಿರತ್ತೆ " ಅಂದ್ರು.ನನಗೆ ಆಗ್ಲೆ ಗೊತ್ತಾಗಿದ್ದು, ಸ್ವತಃ ಸ್ವಯಂ ಸಾಕ್ಷಾತ್ ನಮ್ಮಪ್ಪ ಈ ಬ್ಲಾಗ್ ನ ಫಾಲೋ ಮಾಡ್ತಾರೆ ಅಂತ. ವಿದ್ಯಾರ್ಥಿ ಭವನದ ಪಕ್ಕದಲ್ಲಿರೋ ಈ ಮೆಡಿಕಲ್ ಶಾಪಿನ ಬೋರ್ಡನ್ನು ತೋರಿಸಿ, "ನೋಡು, ಹೇಗಿದೆ ಹೊಸ ಪದದ ಆವಿಷ್ಕಾರ!" ಅಂದ್ರು. ನಾನು ನಮ್ಮಪ್ಪಂಗೆ, "ಎಂಥಾ ಬೋರ್ಡ್ ಅಣ್ಣಾ...ಸಕ್ಕತ್ತಾಗಿದೆ" ಅಂತ ಶಭಾಶ್ ಗಿರಿ ಕೊಟ್ಟು ಕ್ಲಿಕ್ಕಿಸಿದ ಫೋಟೋ ಇದು.

ಫಲಕೋತ್ಸವ-ಸೀಸನ್ ೩-೧೮

2011-05-03T09:00:00.001+05:30

ಎರಡು contradicting statements.

ಫೋಟೋ:ಲಕ್ಷ್ಮೀ

ಫಲಕೋತ್ಸವ ಸೀಸನ್ ೩-೧೭

2011-04-26T09:00:00.001+05:30

ಈ ಫಲಕದಲ್ಲಿರುವ ಎಲ್ಲಾ ಊರುಗಳನ್ನು, ಇದೇ ಸ್ಪೆಲ್ಲಿಂಗುಗಳನ್ನ ಯಥಾವತ್ ಗೂಗಲ್ ಮ್ಯಾಪ್ಸ್ ನಲ್ಲಿ ಹಾಕಿ[ಸ್ಪೆಲ್ ಚೆಕ್ ಎಲ್ಲಾ ಹಾಕುವಂತಿಲ್ಲ]ಈ ಎಲ್ಲಾ ಜಾಗಗಳನ್ನು ಹುಡುಕಿ, ಮ್ಯಾಪ್ ಮಾಡಿಕೊಟ್ಟವರಿಗೆ " ಪ್ರಪಂಚಪರ್ಯಟನಾ ನಿಸ್ಸೀಮ" ಅನ್ನುವ ಬಿರುದನ್ನು ಪ್ರದಾನ ಮಾಡಲಾಗುತ್ತದೆ.

ಫೋಟೋ: ಲಕ್ಷ್ಮೀ

ಫಲಕೋತ್ಸವ-ಸೀಸನ್ ೩-೧೬

2011-04-19T09:00:00.001+05:30

ಫೋಟೋದಲ್ಲಿದ್ದವರಿಗೆ ಫೋಟೋ ಕೆಳಗೆ ಬರೆದಿರುವ ಸ್ಪೆಲ್ಲಿಂಗ್ ಕಾಣೋದಿಲ್ಲ ಆದ್ದರಿಂದ, ಅವರು ಫೋಟೋದಲ್ಲಿ ಶಾಂತರಾಗಿದ್ದಾರೆ.ಇಲ್ಲಾಂದ್ರೆ ಕ್ರಾಂತಿ ಮೇಲೆ ಕ್ರಾಂತಿ ಆಗಿರ್ತಿತ್ತು ! ಎಂಥಾ ಮುಖಗಳು, ಏನದ್ಭುತ ಸ್ಪೆಲ್ಲಿಂಗು...

ಫಲಕೋತ್ಸವ-ಸೀಸನ್ ೩-೧೫

2011-04-13T12:39:00.001+05:30

ಎಷ್ಟೇ ಕೇರ್ ತಗೊಂಡ್ರೂ accidents ಆಗೇ ಆಗತ್ತೆ ಎಂದು ಈ ಫಲಕವನ್ನು ಅರ್ಥೈಸಬಹುದೇ ? ;) ಜೆ.ಸಿ ರೋಡ್ ಸಿಗ್ನಲ್ಲಿನಲ್ಲಿ ತೆಗೆದ ಫೋಟೋ.

ಫೋಟೋ: ಲಕ್ಷ್ಮೀ

ಫಲಕೋತ್ಸವ-ಸೀಸನ್ ೩-೧೪

2011-01-20T15:35:00.002+05:30

ಫಲಕೋತ್ಸವ ಸೀಸನ್ ೩-೧೩

2010-07-27T09:00:00.000+05:30

ಈ ಫೋಟೋವನ್ನು ನಮಗಾಗಿ ಪ್ರಶಾಂತ್ ಪಂಡಿತ್ ಅವರು ಕಳುಹಿಸಿಕೊಟ್ಟಿದ್ದಾರೆ.ಚಿತ್ರದ ಬಗ್ಗೆ ಮಾತಾಡುವುದಕಿಂತ ಅದನ್ನು ನೀವು ನೊಡಿಬಿಡುವುದು ಉತ್ತಮ.:)

ಫಲಕೋತ್ಸವ ಸೀಸನ್ ೩-೧೨

2010-07-20T09:00:00.000+05:30

ಈ ಫೋಟೋವಿನ ನಿಜವಾದ ವಿಚಿತ್ರ ತಿಳಿಯಬೇಕಾದರೆ ದಯವಿಟ್ಟು ಫೋಟೋವನ್ನು ಎನ್ಲಾರ್ಜ್ ಮಾಡಿಕೊಂಡು, ಈ ಚಿತ್ರದಲ್ಲಿರುವ ಫಲಕವನ್ನು ಓದಿ.

ಫೋಟೋ: ಲಕ್ಷ್ಮಿ

ಫಲಕೋತ್ಸವ ಸೀಸನ್ ೩-೧೧

2010-07-13T09:00:00.001+05:30

ಚಿತ್ರ ವಿಚಿತ್ರ ಬ್ಲಾಗನ್ನು ನನ್ನ ಸ್ಟೂಡೆಂಟ್ಸ್ ಕೂಡಾ ಫಾಲೋ ಮಾಡುವ ಪರಿಸ್ಥಿತಿ ಬಂದೊದಗಿದೆ.[ಇದೇ ವಿಚಿತ್ರ ಅಂತ ಅಂದುಕೊಂಡಿರ್ತಿರಾ ಎಲ್ಲರೂ. ನಾನು ಒಪ್ಪುತ್ತೇನೆ ಇದನ್ನ.] ಅವರಿಗೂ ವಿಚಿತ್ರ ಫೋಟೋಗಳನ್ನು ತೆಗೆಯುವ ಅಭ್ಯಾಸ ಶುರುವಾಗಿಹೋಗಿದೆ. ನನ್ನ ವಿದ್ಯಾರ್ಥಿಯೊಬ್ಬ ಟೌನ್ ಹಾಲ್ ಬಳಿಯಲ್ಲಿನ ಜನನಿಬಿಡ ರಸ್ತೆಯಲ್ಲಿ ನಡೆದುಹೋಗುತ್ತಿದ್ದನಂತೆ. ಅಲ್ಲಿಯೇ ಈ ಬೋರ್ಡು ಕಂಡು- ಅವನಿಗೆ ಅದು ಅರ್ಥವಾಗದೇ, ಹತ್ತಾರು ನಿಮಿಷ ಇದನ್ನೇ ದಿಟ್ಟಿಸಿ ನೋಡಿದ ಮೇಲೆ ಅರ್ಥ ಹೊಳೆಯಿತಂತೆ. ಇದು ಲಕ್ಷ್ಮೀ ಮೇಡಮ್ ಬ್ಲಾಗಿಗೆ ಅಂತ ಫೋಟೋ ತಗೆದು ಕಳಿಸಿದ್ದಾನೆ.

ಈ ಬೋರ್ಡ್ ನೋಡಿ ನನಗೆ ಶಾಲೆ ಕಾಲೇಜುಗಳಿಗೆ ಯಾಕೋ ಉಳಿಗಾಲವಿಲ್ಲ ಅಂತ ಅನಿಸಿತು. :)

ಫೋಟೋ ಕೃಪೆ: ಸುಂದರ್ ಎಮ್.ಎನ್. (http://vataguttuvike.blogspot.com)

ಫಲಕೋತ್ಸವ ಸೀಸನ್ ೩-೧೦

2010-07-06T18:44:00.002+05:30

ಚಿತ್ರ ವಿಚಿತ್ರದಲ್ಲಿ ಇಷ್ಟು ದಿನ ಚಿತ್ರಗಳು ಬಾರದಿದ್ದುದಕ್ಕೆ ವಿಷಾದವಿದೆ. ಶಿವಪ್ರಕಾಶ್ ಎಚ್.ಎಮ್ ಅವರು ಹೊಗೆನಕಲ್ ನಲ್ಲಿ ಕಂಡ ಈ ಅತ್ಯದ್ಭುತ ವಿಚಿತ್ರವನ್ನು ನಮಗೆ ಕಳುಹಿಸಿಕೊಟ್ಟಿದ್ದಾರೆ.

ಕಾವಲುಗಾರ!

2010-06-16T01:00:00.002+05:30

ಫಲಕೋತ್ಸವ ಸೀಸನ್ ೩-೯

2010-04-13T09:00:00.001+05:30

ನಾಳೆ ಅಂಬೇಡ್ಕರ್ ಜಯಂತಿ.ದೇಶಕ್ಕೆ ಅವರು ಏನೆಲ್ಲಾ ಮಾಡಿದರು. ಅವರ ಸಾಧನೆ ಶ್ಲಾಘನೀಯ. ಅವರು ನೂರ್ಕಾಲ ಬಾಳಬೇಕಿತ್ತು ಅಂತ ಅನ್ನಿಸುತ್ತದೆಯದರೂ ಈ ಫಲಕವನ್ನು ನೋಡಲು ಅವರು ಇಲ್ಲ ಅನ್ನುವುದು ಸ್ವಲ್ಪ ನೆಮ್ಮದಿ ತರುವ ವಿಷಯ. ಫಲಕದ ಬಗ್ಗೆ ಮಾತಾಡೊಲ್ಲ, ನೋಡಿಬಿಡಿ.

ಫೋಟೊ ಕೃಪೆ:ನಮನ ಬಜಗೋಳಿ

ಫಲಕೋತ್ಸವ ಸೀಸನ್ ೩-೮

2010-03-16T09:00:00.000+05:30

ಈ ಬಾರಿ ವಿಶೇಷ ಫಲಕಗಳ ಕಡೆಗೆ ಗಮನ ಹರಿಸಿದ್ದೇವೆ. ದಾರಿಯಲ್ಲಿ ಮರದ ಮೇಲೆ ಅಂಟಿಸಿರುತ್ತಾರಲ್ಲಾ, ಅಂಥವೌ. ಇದರ ಪ್ರತಿಯೊಂದು ಪದವನ್ನು ಆಸ್ವಾದಿಸಿಕೊಂಡು ಓದಬೇಕು. ಪಾರ್ಟ್ ಟೈಂ ಮತ್ತು ಫುಲ್ ಟೈಂ ಕೆಲಸಗಾರರು ಬೇಕಾಗಿದ್ದಾರೆ ಅನ್ನೋದನ್ನ ಹೇಗೆ ಬರೆದಿದ್ದಾರೆ ನೀವೇ ಓದಿ ಆನಂದಿಸಿ.

ಫಲಕೋತ್ಸವ ಸೀಸನ್ ೩-೭

2010-03-02T09:00:00.000+05:30

ಈ ಫಲಕ ದಾರಿ ತೋರಿಸುತ್ತಿರುವುದು ಸ್ನಾನದ ಗೃಹಕ್ಕೋ ಅಥವಾ ಆಪರೇಷನ್ ಥಿಯೇಟರ್ ಗೋ ಅಂತ ಸ್ವಲ್ಪ ಡೌಟಿದೆ ನನಗೆ. ಯಾರಿಗಾದರೂ ಉತ್ತರ ಗೊತ್ತಾ ?

ಫಲಕೋತ್ಸವ ಸೀಸನ್ ೩-೬

2010-02-23T09:00:00.001+05:30

ಏಕವಚನ ಬಹುವಚನಗಳ ಬಗ್ಗೆ ಸಿಕ್ಕಾಪಟ್ಟೆ ಡೌಟು ಇದ್ದ ಹಾಗಿದೆ ಮನುಷ್ಯನಿಗೆ. ರಿಸ್ಕೇ ಬೇಡ ಅಂತ ಎರಡನ್ನೂ ಫಲಕದಲ್ಲಿ ಹಾಕಿಬಿಟ್ಟಿದ್ದಾನೆ. ನೀವು confuse ಆದರೆ ಅದು ನನ್ನ ತಪ್ಪಲ್ಲ :)

ಫೋಟೋ: ಲಕ್ಷ್ಮೀ

ಫಲಕೋತ್ಸವ ಸೀಸನ್ ೩-೫

2010-02-16T09:00:00.000+05:30

ಇಷ್ಟು ದಿನ ನಾವು ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯ ಘನಕಾರ್ಯಗಳನ್ನು ನೋಡಿ "ಥತ್" ಎಂದು ಬೈಯ್ಯುತ್ತಿದ್ದೆವು, ಈಗ ಆ ಮಹಾನ್ ಪುಣ್ಯಕಾರ್ಯವನ್ನ ಪಾಲಿಕೆಯೇ ಮಾಡಿಕೊಂಡಿದೆ. ನೋಡಿಬಿಡಿ.

ಫೋಟೋ: ಲಕ್ಷ್ಮೀ

ಫಲಕೋತ್ಸವ ಸೀಸನ್ ೩-೪

2010-02-09T09:00:00.001+05:30

ತಮ್ಮನ್ನು ತಾವು ಸೋಂಬೇರಿ ಎಂದು ನಮ್ಮಂತೆಯೇ ರಾಜಾರೋಷವಾಗಿ ಹೇಳಿಕೊಳ್ಳುವ ಸಹಬ್ಲಾಗಿಗ ಶ್ರೀನಿಧಿ ಡಿ.ಎಸ್ ಅವರು ನಮಗಾಗಿ ಈ ಫೋಟೋ ಕಳಿಸಿಕೊಟ್ಟಿದ್ದಾರೆ. ಫೋಟೋವನ್ನು ಸಾಂಗವಾಗಿ ನೋಡಿ, ಅದರಲ್ಲಿರುವುದನ್ನ ಜಾಗರೂಕರಾಗಿ ಓದಿ. ಆಗ ನಿಮಗೆ ಅರ್ಥ ಆಗತ್ತೆ ಈ ಫಲಕ ಏನು ಹೇಳಕ್ಕೆ ಹೊರಟಿದೆ ಅಂತ.

ಫಲಕೋತ್ಸವ ಸೀಸನ್ ೩- ೩

2010-02-02T09:00:00.004+05:30

ಈ ಚಿತ್ರದಲ್ಲಿ ಜಹಂಗೀರು ಜಲೇಬಿಗಳನ್ನು ಸೇರಿಸಿ ಕನ್ನಡ ಭಾಷೆಯ ಲಿಪಿಯನ್ನು ಬರೆಯಲಾಗಿದೆ. ಪ್ರತಿಯೊಂದು ಅಕ್ಷರವೂ ದೇವರಿಗೇ ಪ್ರೀತಿ. ನೋಡಿ, ನಿಮಗೆ ಜಹಂಗೀರು ಜಾಸ್ತಿ ಕಂಡಿತೋ ಜಲೇಬಿ ಜಾಸ್ತಿ ಕಂಡಿತೋ ಹೇಳಿ. :)

ಫೋಟೋ ಕೃಪೆ- ಶಿವಪ್ರಕಾಶ್ ಎಚ್.ಎಮ್.

ಫಲಕೋತ್ಸವ ಸೀಸನ್ ೩ - ೨

2010-01-26T09:00:00.005+05:30

ಇದು ಜನವರಿ ತಿಂಗಳಾಗಿರುವುದರಿಂದ ಈ ಪೋಸ್ಟನ್ನು ಶಬರಿಮಲಕ್ಕೆ ಮೀಸಲಿಡೋಣ ಅನ್ನಿಸಿತು. ಹಾಗಾಗಿ ಈ ಚಿತ್ರವನ್ನು ಶಬರಿಮಲಕ್ಕೆ ಸಮರ್ಪಣೆ ಮಾಡಲಾಗಿದೆ :)

ಶಬರಿಮಲ ಕನ್ನಡದಲ್ಲಿ ಏನಾಗಿದೆ ಎನ್ನುವುದನ್ನು ನೀವೇ ಓದಿ ಆನಂದಿಸಿ :)

ಅಂದಹಾಗೆ, ಇದು ಚಿತ್ರವಿಚಿತ್ರದ ನೂರನೇ ಪೋಸ್ಟು :)

ಈ ಚಿತ್ರವನ್ನು ಕಳುಹಿಸಿಕೊಟ್ಟಿದ್ದು ಶಿವಪ್ರಕಾಶ್ ಎಚ್.ಎಮ್.

ಫಲಕೋತ್ಸವ ಸೀಸನ್ ೩-೧

2010-01-19T09:00:00.002+05:30

ಈ ಚಿತ್ರದ ಬಗ್ಗೆ ಮಾತೇ ಇಲ್ಲ. ನೋಡಿಬಿಡಿ.

ಫೋಟೋ ಕೃಪೆ: ನಮನ ಬಜಗೋಳಿ

ಹೊಸ ವರ್ಷದ ಶುಭಾಶಯಗಳು

2010-01-12T20:13:00.002+05:30

ಚಿತ್ರ ವಿಚಿತ್ರ ಬ್ಲಾಗಿನ ಸಮಸ್ತ ಓದುಗ ಬಾಂಧವರಿಗೂ ಚಿತ್ರ ವಿಚಿತ್ರ ತಂಡದ ನಮಸ್ಕಾರಗಳು. ಎಲ್ಲರಿಗೂ ಹೊಸ ವರ್ಷದ ಹಾರ್ದಿಕ ಶುಭಾಶಯಗಳು. ಎರಡು ವಾರ ತಡವಾಗಿ ಶುಭಾಶಯ ಕೋರುತ್ತಿರುವುದಕ್ಕೆ ಮತ್ತು ಮೂರು ವಾರಗಳಿಂದ ಬ್ಲಾಗ್ ಅಪ್ ಡೇಟ್ ಆಗದೇ ಇರುವುದಕ್ಕೆ ನಿಮ್ಮಲ್ಲಿ ಕ್ಷಮೆ ಕೋರುತ್ತೇವೆ. ೨೦೦೯ ರ ಕಡೆಯ ದಿನಗಳು ಎಲ್ಲರನ್ನೂ ದುಃಖದಲ್ಲಿ ಮುಳುಗಿಸಿತ್ತು. ಹಾಗಾಗಿ ಬ್ಲಾಗನ್ನು ಅಪ್ ಡೇಟ್ ಮಾಡಿರಲಿಲ್ಲ. ಒಂದು ವಾರ ದುಃಖ ಇತ್ತು. ಇನ್ನೆರಡು ವಾರ ಶುದ್ಧ ಸೋಂಬೇರಿತನದಿಂದ ಅಪ್ಡೇಟ್ ಮಾಡಲಿಲ್ಲ ಬಿಟ್ಟರೆ ಇನ್ನೇನು ಕಾರಣಗಳಿರಲಿಲ್ಲ.

ಇದು ಚಿತ್ರ ವಿಚಿತ್ರದ ೯೮ನೇ ಪೋಸ್ಟು. ನಾವು ಮೂರು ವಾರಗಳೂ ಅಪ್ಡೇಟ್ ಮಾಡಿದ್ದರೆ ಇದು ನೂರನೇ ಪೋಸ್ಟ್ ಆಗಿರುತ್ತಿತ್ತು. Slow and steady ಆಗಿ ಮುಂದುವರೆಯೋಣ ಅಂತ ನಿಧಾನಕ್ಕೆ ಮುಂದುವರೆಯುತ್ತಿದ್ದೇವೆ :)

ಹೊಸ ವರ್ಷದ ಸಂಕಲ್ಪವನ್ನು ಈ ಸರ್ತಿಯಾದರೂ ಪಾಲಿಸಬೇಕು ಅಂತ ನಾನು ಸಂಕಲ್ಪ ಮಾಡಿದ್ದೇವೆ ಮತ್ತು ಈ ಸಂಕಲ್ಪದ ಪಾಲನೆಗೆ ನಿಮ್ಮೆಲ್ಲರ ಸಹಾಯವನ್ನು ಕೋರುತ್ತಿದ್ದೇವೆ. ಈ ಸರ್ತಿಯ ಸಂಕಲ್ಪ ಏನಪ್ಪಾ ಅಂದರೆ ಈ ವರ್ಷ ಪೂರ್ತಿ ಫಲಕೋತ್ಸವದ ಅತಿ ದೊಡ್ಡ ಸೀಸನ್ ಅನ್ನು ನಡೆಸುವ ಯೋಚನೆ ಮಾಡಿದ್ದೇವೆ. ಈ ಬಾರಿ ಕಳೆದೆರಡು ಸೀಸನ್ ಗಳಿಗಿಂತ ಅತ್ಯಂತ ಹಾಸ್ಯಮಯವಾಗಿರುವ ಫಲಕಗಳನ್ನು ನಿಮ್ಮ ಮುಂದೆ ಇಡುವ ಪ್ರಯತ್ನ ಮಾಡುತ್ತೇವೆ. ಒಂದು ವರ್ಷಕ್ಕೆ ಐವತ್ತೆರಡು ವಾರಗಳಿವೆಯಾದ್ದರಿಂದ ನಮಗೆ ಐವತ್ತೆರಡು ಫಲಕಗಳ ಅವಶ್ಯಕತೆ ಇದೆ. ಈಗಾಗಲೇ ಒಂದಿಷ್ಟು ಸರಕಿದೆ, ಮತ್ತಷ್ಟು ಬೇಕಿವೆ. ನೀವು ಹಾಸ್ಯಮಯ ಫಲಕಗಳನ್ನು ಕಂಡರೆ ನಮಗೆ ದಯಮಾಡಿ ಕಳುಹಿಸಿ ಕೊಡಿ. ಇದು ಫಲಕಗಳ ಕಟ್ಟ ಕಡೆಯ ಮತ್ತು ಅತಿ ದೊಡ್ಡ ಸೀಸನ್ ಆಗಲಿದೆ.ಮುಂದಿನ ವಾರದಿಂದ ಫಲಕೋತ್ಸವ ಸೀಸನ್ ೩ ಪ್ರಾರಂಭವಾಗಲಿದೆ. ಇದರ ಯಶಸ್ಸು ನಿಮ್ಮ ಕೈಲಿದೆ.

CAPTCHAA

2009-12-08T09:00:00.001+05:30

CAPTCHAA ಯಾರಿಗೆ ಗೊತ್ತಿಲ್ಲ ? ಆದರೂ ಇದರ ಬಗ್ಗೆ ಮಾಹಿತಿ ಕೊಡೋಣ ಅನ್ನಿಸಿತು. ಅದಕ್ಕೇ ಈ ಪೋಸ್ಟು. Disclaimer-ಈ ಬಾರಿ ಪೋಸ್ಟಿನಲ್ಲಿ ವಿಚಿತ್ರವೇನು ಇಲ್ಲ.

ಈ CAPTCHAA ಗಳು ಮೊದಲು ರೂಪುಗೊಂಡದ್ದು challenge-response ಪರೀಕ್ಷೆಯಾಗಿ.ಸವಾಲಿಗೆ ಕಂಪ್ಯೂಟರ್ ಉತ್ತರಿಸದೇ ಮನುಷ್ಯನೊಬ್ಬನು/ಳು ಉತ್ತರಿಸುತ್ತಿದ್ದಾನೆ/ಳೆ ಎಂದು ಖಾತ್ರಿ ಪಡಿಸಿಕೊಳ್ಳಲು ಇದನ್ನು ಬಳಸಿಕೊಳ್ಳಲು ಪ್ರಾರಂಭವಾಯ್ತು. ಕ್ಯಾಪ್ಚಾ ಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಬೆಂಗಳೂರಿನ ಐಟಿ ಹುಡುಗ ಕೃಷ್ಣ ಭರತ್ ಅವರೂ ಒಬ್ಬರು. ವಿವರಗಳಿಗೆ ಇಲ್ಲಿ ಕ್ಲಿಕ್ಕಿಸಿ. ಸ್ಪ್ಯಾಮ್ ತಡೆಗಟ್ಟುವಲ್ಲಿ, ಮತಚಲಾಯಿಸುವಿಕೆಯಲ್ಲಿ ಆಗುವ ಅವಾಂತರಗಳನ್ನು ತಪ್ಪಿಸಲು ಇದನ್ನು ಬಳಸಿಕೊಳ್ಳಲಾಯ್ತು.
ಮೂಲತಃ CAPTCHAA ಅಂದರೆ - "Completely Automated Public Turing test to tell Computers and Humans Apart."ಅಂತ.

ಮೊದಲು ವಿವಿಧರೀತಿಗಳಲ್ಲಿ, ವಿಚಿತ್ರ ಆಕೃತಿಗಳಲ್ಲಿ ಅಕ್ಷರಗಳು ಮತ್ತು ಸಂಖ್ಯೆಗಳು ನಮ್ಮ ಮುಂದೆ ಬರುತ್ತಿದ್ದವು. ಆಮೇಲೆ ಐದಕ್ಷರ ಆರಕ್ಷರದ ಪದಗಳು ಬರಲು ಶುರುವಾದವು.ಅದರಲ್ಲಿ ಮೊದಲು ಅರ್ಥ ತಾತ್ಪರ್ಯ ಸಂಬಂಧವಿಲ್ಲದ ಪದಗಳು ಬರುತ್ತಿದ್ದವು. ಆದರೆ ಇತ್ತೀಚೆಗೆ ಬರುತ್ತಿರುವ ಪದಗಳ ಕೆಲವು ಸ್ಯಾಂಪಲ್ ಗಳು ನಿಮ್ಮ ಮುಂದೆ. ಒಂದು ಕನ್ನಡದ ಪದವನ್ನು, ಮತ್ತೊಂದು ಆಂಗ್ಲಪದವನ್ನು ನೋಡಿ ಖುಷಿ ಪಡಿ.

ಮಜಾ ಇರತ್ತೆ ಅಲ್ವಾ ಇಂಥಾ ಪದಗಳನ್ನ ಟೈಪ್ ಮಾಡಕ್ಕೆ ?

ಫೋಟೋ ಕೃಪೆ - ಜಯಶಂಕರ್ ಎ.ಎನ್.
ಮಾಹಿತಿ-ವಿಕಿಪಿಡಿಯಾ

ಕೋತಿರಾಮ

2009-12-01T09:00:00.001+05:30

ಈ ಬಾರಿ ಒಬ್ಬ ವಿಶೇಷ ವ್ಯಕ್ತಿಯನ್ನು ಪರಿಚಯ ಮಾಡಿಕೊಡುವ ಭಾಗ್ಯ ಚಿತ್ರವಿಚಿತ್ರ ತಂಡಕ್ಕೆ ಪಾಲಚಂದ್ರ ರವರ ದೆಸೆಯಿಂದ ಲಭಿಸಿದೆ. ಅವರೇ ಈ ವ್ಯಕ್ತಿಯ ಫೋಟೋಗಳನ್ನು ಕಳುಹಿಸಿಕೊಟ್ಟಿದ್ದು. ವಿವರಗಳನ್ನು ಕೂಡಾ ಅವರೇ ಕಳಿಸಿದ್ದು.ಅವರು ನೀಡಿರುವ ವಿವರ ಇಂತಿದೆ:

" "ಕೋತಿ ರಾಮ" ಎಂದೇ ಖ್ಯಾತರಾದ ತಮಿಳುನಾಡಿನ ಮೂಲದವರಾದ ಜ್ಯೋತಿರಾಜ್, ದುರ್ಗದ ಕೋಟೆಯ ಗೋಡೆಯನ್ನು ಉಡದಂತೆ ಯಾವುದರ ಸಹಾಯವೂ ಇಲ್ಲದೇ ಲೀಲಾಜಾಲವಾಗಿ ಏರ ಬಲ್ಲರು. ಬರೀ ಏರುವುದಷ್ಟೇ ಅಲ್ಲದೆ ಗೋಡೆ ಹತ್ತುತ್ತಾ ಲಾಗ ಕೂಡ ಹಾಕಬಲ್ಲರು. ರಾಕ್ ಕ್ಲೈಂಬಿಂಗಿನಲ್ಲಿ ಪ್ರಪಂಚದಲ್ಲಿ ಮೂರನೇ ಸ್ಥಾನ ಎಂದು ಅವರನ್ನು ಮಾತನಾಡಿಸಿದಾಗ ತಿಳಿದು ಬಂದ ಸಂಗತಿ."

ಕೋತಿಚೇಷ್ಟೆ

2009-11-24T09:00:00.002+05:30

ನಾವು ಪ್ರಾಣಿ ಚೇಷ್ಟೆ ಸೀರೀಸ್ ಮುಗಿಸಿದ ದಿನ ಸನ್ಮಾನ್ಯ ಮೌನಗಾಳದ ಸುಶ್ರುತ ರವರು ನಮಗೆ ಕಳಿಸಿಕೊಟ್ಟ ಚಿತ್ರಗಳಿವು. ನಾವು ಸೀರೀಸ್ ನಡೆಸುವಾಗ ಕೆಲವು ಕಮೆಂಟುಗಳಲ್ಲಿ ಪ್ರಾಣಿಗಳ ಪ್ಲಾಸ್ಟಿಕ್ ಸೇವನೆ ಬಗ್ಗೆ ವಿಷಾದ, ಅಸಮಾಧಾನಗಳು ವ್ಯಕ್ತವಾಗಿದ್ದವು. ಅದನ್ನು ನಾವೂ ಅನುಮೋದಿಸುತ್ತೇವೆ. ನಂದಿಬೆಟ್ಟದಲ್ಲಿ ಕೋತಿಗಳ ಕಾಟವು ಹೆಚ್ಚೆಂದು ಕೇಳ್ಪಟ್ಟವರು ಈಗ ಅದನ್ನು ಈ ಚಿತ್ರಗಳಲ್ಲಿ ನೋಡಬಹುದು. ಕೋತಿಗಳು ಹೀಗೆ ಉಗ್ರನರಸಿಂಹಗಳಾಗಲು ಕಾರಣವೇನೆಂದು ನಮ್ಮ ಸಹಬ್ಲಾಗಿಗರಾದ ಪರಿಸರಪ್ರೇಮಿ ಅರುಣ್ ಅವರು ಈ ಲೇಖನದಲ್ಲಿ ವಿವರಿಸುತ್ತಾರೆ. ನಾವೇ ಪ್ರಾಣಿಗಳಿಗೆ ಆಹಾರ ತಿನ್ನಿಸಿ ಅಭ್ಯಾಸ ಮಾಡಿದುದರ ಪರಮಾವಧಿ ಇದೇನೋ ! ಈ ಚಿತ್ರವು ವಿಶೇಷ, ವಿಚಿತ್ರ, ಇವ್ಯಾವ ಹಣೆಪಟ್ಟಿಗೂ ಒಳಪಡದೇ, ನೇರವಾಗಿ ವಿಷಾದದ ಕೆಟೆಗರಿಗೆ ಸೇರತ್ತೆ.

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು- ೧೫

2009-11-17T09:00:00.001+05:30

:)

ಫೋಟೋ ಕೃಪೆ : ಕಾರ್ತಿಕ್. ಸಿ. ಸುನಿಲ್

ಇದರೊಂದಿಗೆ, ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು ಸರಣಿಯನ್ನು ಮುಗಿಸುತ್ತಿದ್ದೇವೆ.

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೧೪

2009-11-10T09:00:00.002+05:30

ಇದನ್ನ ನೋಡಿದರೆ ನನಗೆ ನೆನಪಾಗೋ ಹಾಡು - ಕೊಯಿ ಹಂ ದಂ ನ ರಹಾ...ಕೊಯಿ ಸಹಾರಾ ನಾ ರಹಾ...

ಫೋಟೋ- ಕಾರ್ತಿಕ್ ಸಿ ಸುನಿಲ್

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೧೩

2009-11-03T09:00:00.001+05:30

ಹಸಿವಾಗ್ತಿದ್ಯಾ ? ನಿಮಗೂ ಬೇಕಾ ?

ಫೋಟೋ: ಕಾರ್ತಿಕ್ ಸಿ. ಸುನಿಲ್

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು - ೧೨

2009-10-27T09:00:00.001+05:30

ಅಂಥಿಂಥಾ ಮಿನೆರಲ್ ವಾಟರ್ ಆಗಲ್ಲ...ಬಿಸ್ಲೆರಿ ನೇ ಆಗ್ಬೇಕು ! :)

ಫೋಟೋ ಕೃಪೆ: ಕಾರ್ತಿಕ್ ಸಿ. ಸುನಿಲ್

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು - ೧೧

2009-10-20T09:00:00.001+05:30

gossipping ಕೋತಿಗಳು ! :)

ಫೋಟೋ :ಪಾಲಚಂದ್ರ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೧೦

2009-10-13T09:00:00.002+05:30

ಮತ್ತೊಂದು ಕ್ರೋ ಪಾರ್ಟೀ...
ನಾನೇ ಲೀಡರ್ರು....

ಇರ್ಲಿ...ಇನ್ನೊಂದು ಫೋಟೋ ತೆಗಿರಿ ಪರ್ವಾಗಿಲ್ಲ...ಪ್ಲೀಜ್ !

ಫೋಟೋಗಳು: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೯

2009-10-06T09:00:00.002+05:30

ಫಲಕವನ್ನ ನೋಡಿ. ಆನಂತರ ಆ ನಾಯಿ ಅಲ್ಲಿ ಏಕೆ ನಿಂತಿದೆ ಅಂತ ನಮಗೆ explain ಮಾಡಿ !

ಫೋಟೋ: ಅರುಣ್ ಎಲ್.

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೮

2009-09-29T09:00:00.000+05:30

ಮುಖ ತಿರುಗಿಸಿಕೊಂಡ ಜೋಡಿ ಹಕ್ಕಿಗಳು.

ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೭

2009-09-22T09:00:00.000+05:30

ಬೆಂಗಳೂರಿನ ಸ್ಟಾಕ್ ಎಕ್ಸ್ ಚೇಂಜ್ ಕಟ್ಟಡದಲ್ಲಿ ಕಂಡ ಕೋತಿ...ಮರಕ್ಕೆ ನೆಗೆಯಲೋಬೇಡವೋ ಎಂದು ಯೋಚನಾಲಹರಿಯಲ್ಲಿ ಮುಳುಗಿದೆ !

ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೬

2009-09-15T09:00:00.001+05:30

ನಾಯಿಯೊಂದು ತುಳಸಿ ಗಿಡಕ್ಕೆ ಹಾಕಿರುವ ನೀರನ್ನ ಕುಡಿಯುತ್ತಿರುವ ಪರಿಯನ್ನು ನೋಡಿ !
ಫೋಟೋ : ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೫

2009-09-08T09:00:00.000+05:30

ಎಮ್ಮೆ ಇನ್ ಅ ನ್ಯಾಚುರಲ್ ಸ್ವಿಮ್ಮಿಂಗ್ ಪೂಲ್ ! ಕಡೂರು ಜಿಲ್ಲೆಯ ದೇವನೂರಿಗೆ ಪಯಣಿಸುತ್ತಾ ದಾರಿಯಲ್ಲಿ ಕಂಡ ದೃಶ್ಯವಿದು. ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೪

2009-08-25T09:00:00.000+05:30

ಭೌತ ಶಾಸ್ತ್ರದಲ್ಲಿ ಒಂದು ವಿವರಣೆ ಇದೆ- " Forces when equal in magnitude but opposite in direction cancel each other " ಅಂತ. ಇವೆರಡು ನಾಯಿಗಳನ್ನು ನೋಡಿದಾಗ ನನಗೆ ಅದೇ ನೆನಪಾಗಿದ್ದು ! ಮಂಗಳೂರಿನ ಬಿಜೈ ಮ್ಯೂಸಿಯಂ ಗೆ ಹೋದಾಗ ಕಂಡ ದೃಶ್ಯವಿದು.

ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೩

2009-08-18T09:00:00.000+05:30

ಕೋತಿ ಮೊಸರನ್ನ ತಿಂದು ಮೇಕೆಯ ಮೂತಿಗೆ ಮೆತ್ತಿದ ಕಥೆ ಗೊತ್ತಲ್ಲಾ ? ಇಲ್ಲೂ ಅದೇ ನಡೆಯುತ್ತಿರುವ ಹಾಗಿದೆ !

ಫೋಟೋ : ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು - ೨

2009-08-11T21:00:00.001+05:30

ಪಾಪ ! ಕೋತಿಯ ಅಳುಮುಖ ಮತ್ತು ಸಪ್ಪೆ ಮುಖ ನೋಡಿದವರಿಗೆ ಹೀಗೆ ಅನ್ನಬೇಕು ಅನ್ನಿಸತ್ತೆ ಅಲ್ವಾ ?

ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು - ೧

2009-08-04T09:00:00.000+05:30

ನಮ್ಮ ಮುಂದಿನ ಸರಣಿ ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು. ಈ ಕೆಳಗಿನ ಫೋಟೋ ಕಳಿಸಿಕೊಟ್ಟವರು ನಾಗಾಭರಣ ಅವರು. ಹಂಪೆಯಲ್ಲಿ ಕಂಡ ದೃಶ್ಯವಿದು. ಕೋತಿಯೊಂದು ಬಾಟಲಿಯನ್ನು ಹಿಡಿದುಕೊಂಡು ನೀರು ಕುಡಿಯುತ್ತಿರುವ ಭಂಗಿಯನ್ನು ನೋಡಿ!

ಹೀಗೂ ಉಂಟೇ ?

2009-07-28T09:00:00.002+05:30

ಹೀಗೂ ಉಂಟೇ ?

ಫೋಟೋ ಕೃಪೆ: ಅರುಣ್ ಎಲ್.

ವಿಶೇಷ ಕಸದಬುಟ್ಟಿ

2009-07-21T09:00:00.000+05:30

ಇದು ಲಾಲ್ ಬಾಗ್ ನಲ್ಲಿ ಕಂಡ ಒಂದು ವಿಶೇಷ ಕಸದ ಬುಟ್ಟಿ. ಕಡಿದ ಮರದ ಭಾಗದ ತರಹ ಕಾಣತ್ತೆ. creative ಅಲ್ವಾ ?

ಫೋಟೋ ಕೃಪೆ: ಕಾರ್ತಿಕ್ ಸಿ.ಎಸ್.

ಯಾರೇ ಕೂಗಾಡಲಿ...

2009-07-14T09:00:00.000+05:30

ಈ ಚಿತ್ರ ನೋಡಿದರೆ ಯಾರು ನೆನಪಾಗುತ್ತಾರೆ, ಯಾವ ಹಾಡು ನೆನಪಾಗುತ್ತೆ ಅಂತ ಹೇಳಬೇಕಿಲ್ಲ ಅಲ್ಲವೇ ?

ಫೋಟೋ ಕೃಪೆ: ಪಾಲಚಂದ್ರ

ಗಮಕ ಸುಧಾ ಧಾರೆ

2009-07-13T16:16:00.005+05:30

ಕರ್ನಾಟಕದಲ್ಲಿ ಜನಪದ ಸಂಗೀತದಷ್ಟೇ ಪ್ರಸಿದ್ಧವಾಗಿರುವುದು ಗಮಕ ಕಲೆ ಮತ್ತು ಗಮಕ ಶೈಲಿಯ ಗಾಯನ. ಗಮಕ ಎಂದ ತಕ್ಷಣ ಎಲ್ಲರಿಗು ನೆನಪಾಗುವುದು ಕುಮಾರವ್ಯಾಸನ "ಕರ್ನಾಟ ಭಾರತ ಕಥಾ ಮಂಜರಿ "ಯ ವಾಚನ ಮತ್ತು ವ್ಯಾಖ್ಯಾನ. ಕುಮಾರವ್ಯಾಸನ ಕಾವ್ಯ ಮಾತ್ರವಲ್ಲದೆ, ಲಕ್ಷ್ಮೀಶನ ಜೈಮಿನಿ ಭಾರತ, ತೊರವೆ ರಾಮಾಯಣ ಮುಂತಾದ ಕಾವ್ಯಗಳು ಕೂಡ ಪ್ರಚಲಿತವಾಗಿವೆ. ಹೊಸ ಪ್ರಯೋಗಗಳಿಗೆ ಹೆಸರಾದ ಪ್ರಣತಿ ಸಂಸ್ಥೆಯು [www.pranati.in] ಗಮಕ ವಾಚನ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದೆ. ವಾಚನದ ಭಾಗ ರಾಷ್ಟ್ರಕವಿ ಕುವೆಂಪುರವರ ಶ್ರೀ ರಾಮಾಯಣ ದರ್ಶನಂ ಕಾವ್ಯದ "ಶಬರಿಗಾದನು ಅತಿಥಿ ದಾಶರಥಿ". ಜುಲೈ ಹದಿನೆಂಟು ೨೦೦೯ ರ ಸಾಯಂಕಾಲ ಐದು ಘಂಟೆ ಗೆ Indian Insitute of World culture ನಲ್ಲಿ ನಡೆಯುವ ಈ ಕಾರ್ಯಕ್ರಮಕ್ಕೆ ನೀವೆಲ್ಲರೂ ಅತಿಥಿಗಳಾಗಿ ಆಗಮಿಸಿ ಗಮಕ ವಾಚನದ ಆತಿಥ್ಯವನ್ನು ಸ್ವೀಕರಿಸಬೇಕೆಂದು ಕೇಳಿಕೊಳ್ಳುತ್ತೇನೆ.

ವಿಶೇಷ ವಿಚಿತ್ರ ವಾಹನಗಳು- ೫

2009-07-07T09:00:00.002+05:30

ಇಂಥಾ ಭವ್ಯ, ದಿವ್ಯ, ಅತ್ಯಂತ ಪ್ರಾಚೀನ ಗಾಡಿಯೊಂದರಲ್ಲಿ ಪ್ರಯಾಣಿಸುವ ಭಾಗ್ಯವನ್ನು ನನಗೆ ಒದಗಿಸಿಕೊಟ್ಟು, ಇದರ ತುಕ್ಕು ಹಿಡಿದ ಹ್ಯಾಂಡಲ್ ನನಗೆ ಚುಚ್ಚಿದರೂ ನನಗೇನು ಆಗದ ಹಾಗೆ ಕಾಪಾಡಿದ ಸದ್ಯೋಜಾತನಿಗೆ ಸಾಷ್ಟಾಂಗ ನಮಸ್ಕಾರಗಳನ್ನು ಸಲ್ಲಿಸುತ್ತಾ, ಇದು ಚಿತ್ರ ವಿಚಿತ್ರದ ಎಪ್ಪತ್ತೈದನೆಯ ಪೋಸ್ಟು ಎಂದು ನಿಮಗೆ ತಿಳಿಸುತ್ತಾ, ಈ ವಿಚಿತ್ರ ವಿಶೇಷ ವಾಹನಗಳ ಸೀರೀಸ್ ಅನ್ನು ಮುಕ್ತಾಯಗೊಳಿಸುತ್ತಿದ್ದೇವೆ.

ಫೋಟೋ: ಲಕ್ಷ್ಮೀ

ವಿಶೇಷ ವಿಚಿತ್ರ ವಾಹನಗಳು- ೪

2009-07-05T09:00:00.000+05:30

ಈ ಫೋಟೋ ಗಳನ್ನು ಕಳಿಸಿಕೊಟ್ಟವರು ಪಾಲಚಂದ್ರ. ಈ ವರ್ಷ ನಡೆದ ಏರೋ ಇಂಡಿಯಾದ ಏರ್ ಶೋವಿನ ಕೆಲವು ವಿಶೇಷ ಚಿತ್ರಗಳು.

ವಿಶೇಷ ವಿಚಿತ್ರ ವಾಹನಗಳು- ೩

2009-06-17T18:21:00.002+05:30

ಇಲ್ಲೊಂದು ಸ್ಲಿಡ್ ಶೋ ಇದೆ. ಇದು ಬೆಂಗಳೂರಿನ ಎಚ್. ಏ. ಎಲ್. ವಿಮಾನ ನಿಲ್ದಾಣದ ಹತ್ತಿರ ಎಚ್.ಏ.ಎಲ್ ಸಂಸ್ಥೆ ವಿಮಾನ ಸಂಗ್ರಹಾಲಯ ಮತ್ತು ವಸ್ತು ಸಂಗ್ರಹಾಲಯ ನಿರ್ಮಿಸಿದೆ. ನಾನು ಅಲ್ಲಿಗೆ ಎರಡು ತಿಂಗಳ ಹಿಂದೆ ಭೇಟಿ ನೀಡಿದ್ದೆ. ಅಲ್ಲಿನ ವಿಶೇಷ ವಿಮಾನಗಳ ಚಿತ್ರಗಳು ಇಲ್ಲಿವೆ. ಸಂಗ್ರಹಾಲಯಕ್ಕೆ ಭೇಟಿ ನೀಡಲು ಎಲ್ಲರಿಗೂ ಅವಕಾಶ ಇದೆ. ಖಂಡಿತಾ ಹೋಗಿ ಬನ್ನಿ.

ವಿಶೇಷ ವಿಚಿತ್ರ ವಾಹನಗಳು - ೨

2009-06-09T09:00:00.000+05:30

ಈ ಚಿತ್ರಗಳನ್ನು ಕಳಿಸಿಕೊಟ್ಟವರು ವಿಜಯ್ ಶಂಕರ್. ಇದನ್ನು ನೋಡಿ ನನಗೆ "ಕಾರ್ ಕಾರ್" ಹಾಡು ನೆನಪಾಯ್ತು. ತಮ್ಮ ಜೀವವನ್ನೇ ಪಣಕ್ಕೆ ಒಡ್ಡಿ ಬಸ್ ಮೇಲೆ ಹತ್ತಿ ಕುಳಿತಿರುವ ಇವರೆಲ್ಲರನ್ನು ಪರಮಾತ್ಮ ಕಾಪಾಡಲಿ.

ವಿಶೇಷ ವಿಚಿತ್ರ ವಾಹನಗಳು - ೧

2009-06-02T09:00:00.001+05:30

ಫಲಕಗಳಾಯ್ತು, ಕಸದಬುಟ್ಟಿಗಳಾಯಿತು, ಈಗ ವಾಹನಗಳ ಸರದಿ. ಹೌದು. ನಮ್ಮ ಹೊಸ ಸೀರೀಸ್ ನಲ್ಲಿ ನಾವು ವಿಚಿತ್ರ ವಿಶೇಷ ವಾಹನಗಳನ್ನು ನಿಮ್ಮ ಮುಂದೆ ಇಡಲಿದ್ದೇವೆ.

ಈ ಫೋಟೋಗಳನ್ನು ಕಳಿಸಿಕೊಟ್ಟವರು ಪಾಲಚಂದ್ರ [http://palachandra.blogspot.com]. ಕೆಳಗಿನದ್ದು ಅವರು ನೀಡಿರುವ ವಿವರಣೆ. ಅವರು ನನಗೆ ಎಡಿಟ್ ಮಾಡಲು ಹೇಳಿದ್ದರಾದರೂ, ಇದೇ ಶೈಲಿ ಚೆನ್ನ ಅನ್ನಿಸಿ ಇದ್ದಿದ್ದನ್ನು ಇದ್ದಹಾಗೇ ಇಲ್ಲಿ ನೀಡಿದ್ದೇನೆ.

ಎನ್ಫೀಲ್ಡ್ ಬೈಕನ್ನ ಬದಲಾಯಿಸಿ ರಿಕ್ಷಾ ತರ ಓಡಿಸ್ಕೊಂಡು ಹೋಗೋದು. ಇದು ಗುಜಾರಾತಿನ ಹಳ್ಳಿಗಳಲ್ಲಿ ಫೇಮಸ್ಸು. ಡಿಸಲ್ ಹಾಕಿ ಓಡ್ಸೋ ಇದರಲ್ಲಿ ಸುಮಾರು ೮-೧೦ ಕಿ.ಮೀ. ವರೆಗೂ ಪ್ರಯಾಣಿಸಿದರೂ ೫ ರೂ. ಅಷ್ಟೆ. ಅದೂ ಓಪನ್ ಟಾಪು, ಸಕ್ಕತ್ ಮಜಾ ಬರುತ್ತೆ ಪ್ರಯಾಣ ಮಾಡೋಕೆ. ಬೆಂಗ್ಳೂರ್ ತರ ಪೇಟೆ ರಿಕ್ಷ ಆದ್ರೆ ಬರೀ ಕಪ್ಪು, ಹಳದಿ ಕಲರ್ ಆದ್ರೆ ಅಲ್ಲಿನ ರಿಕ್ಷಾಗಳು ಕಲರ್ ಕಲರ್, ಅದೂ ಒಳ್ಳೋಳ್ಳೆ ಚಿತ್ರ, ಜರಿ ಎಲ್ಲಾ ಸಿಂಗರ್ಸಿರ್ತಾರೆ. ಕಲೆಗೆ ಕಲೆ,Cost cutting ಗೆ cost cutting. ಟಾಪ್ ಇರೋದೂ ಇದೆ..

ಕಳೆದ ವಾರ ಕೇಳಿದ ಪ್ರಶ್ನೆಗೆ ಉತ್ತರಗಳು:

೧. Furniture
೨. ನಾಲ್ಕು ಸ್ಪೆಲ್ಲಿಂಗ್ ಮಿಸ್ಟೇಕುಗಳಿದ್ದವು. ಐದನೆಯದು name of agency. ಅಲ್ಲಿ, ಕಂಪನಿಯ ಹೆಸರು ಹಾಕುವ ಬದಲು ಕಂಪನಿಯ ಮಾಲೀಕನ ಹೆಸರು ಹಾಕಿದ್ದಾರೆ. ಒಟ್ಟು ಐದು ತಪ್ಪುಗಳು.

ಫಲಕೋತ್ಸವಕ್ಕೆ ಬಿಡುವು

2009-05-29T12:52:00.003+05:30

ಓದುಗ ಬಾಂಧವರಿಗೆ Team ಚಿತ್ರ ವಿಚಿತ್ರ ಮಾಡುವ ನಮಸ್ಕಾರಗಳು.

ಕಳೆದ ವರ್ಷ ಜುಲೈ ತಿಂಗಳಲ್ಲಿ ಆರಂಭವಾದ ಫಲಕೋತ್ಸವ ಈ ಮೇ ತಿಂಗಳಿಗೆ ಎರಡು ಸೀಸನ್ ಗಳನ್ನು ಕಂಡಿದೆ. ನೀವು ಕಳಿಸುತ್ತಿರುವ ಫಲಕಗಳು ನಮ್ಮ ಉತ್ಸಾಹವನ್ನು ಮತ್ತಷ್ಟು ಹೆಚ್ಚಿಸಿದೆ. ನಾವು ಮೊದಲನೆಯ ಸೀಸನ್ ನಲ್ಲಿ ಹತ್ತು ಫಲಕಗಳನ್ನು ಪ್ರದರ್ಶಿಸಿದ್ದೆವು. ಈ ಸೀಸನ್ ನಲ್ಲಿ ಇಪ್ಪತ್ತಕ್ಕೆ ನಿಲ್ಲಿಸುವ ಉದ್ದೇಶವಿತ್ತಾದರೂ, ಒಂದೊಂದಾಗಿ ನಮಗೆ ತಲುಪುತ್ತಿದ್ದ ಫಲಕಗಳು "ಇದನ್ನು ಹಾಕಿಯೇ ಬಿಡುವ" ಎನ್ನುವಂತೆ ಪ್ರೇರೇಪಿಸುತ್ತಿತ್ತು. ಹಾಗಾಗಿ ನಾವು ಒಂದೇ ಪೋಸ್ಟಿನಲ್ಲಿ ಎರಡು ಮೂರು ಚಿತ್ರಗಳನ್ನು ಹಾಕುವ ಪ್ರಯೋಗವನ್ನು ಮಾಡಿದೆವು. ನೀವು ಅದಕ್ಕೂ ಬೆನ್ನು ತಟ್ಟಿ ಪ್ರೋತ್ಸಾಹಿಸಿದಿರಿ. ನಿಮಗೆಲ್ಲರಿಗೂ ನಮ್ಮ ಧನ್ಯವಾದಗಳು.

ಇಪ್ಪತ್ತಕ್ಕೆ ನಿಲ್ಲಬೇಕಿದ್ದ ನಮ್ಮ ದ್ವಿತೀಯ ಸೀಸನ್ ಈಗ ಮೂವತ್ತು ತಲುಪಿವೆ. ನಾವು ತೆಗೆದಿರುವ ಫೋಟೋಗಳು ಮತ್ತು ನೀವು ಕಳಿಸಿರುವ ಫೋಟೋಗಳು ಇನ್ನೂ ಬಾಕಿ ಇವೆ. ಆದರೆ ಬರೀ ಫಲಕಗಳನ್ನು ಹಾಕತ್ತಿದ್ದರೆ ಅದು ಯಾಂತ್ರಿಕವೆನಿಸಿಬಿಡುತ್ತದೆ. ಕಾಲಾಂತರದಲ್ಲಿ ಬೋರ್ ಆಗಲಿಕ್ಕೂ ಸಾಕು. ಹಾಗಾಗಿ ಫಲಕೋತ್ಸವಕ್ಕೆ ಒಂದೆರಡು ತಿಂಗಳು ಬಿಡುವು ಕೊಟ್ಟು, ಮತ್ತಷ್ಟು ಹಾಸ್ಯಮಯ, ವಿಚಿತ್ರ, ವಿಶೇಷ ಫಲಕಗಳೊಂದಿಗೆ ಮೂರನೆಯ ಸೀಸನ್ ನಲ್ಲಿ ನಿಮ್ಮನ್ನು ರಂಜಿಸಲಿದ್ದೇವೆ. ನೀವು ಫಲಕಗಳನ್ನು ಖಂಡಿತಾ ಕಳಿಸುತ್ತಿರಬಹುದು, ನಾವು ಅದನ್ನು ಫಲಕೋತ್ಸವದ ಮೂರನೆಯ ಸೀಸನ್ ನಲ್ಲಿ ಖಂಡಿತಾ ಪ್ರಕಟಿಸುವೆವು.

ಮುಂದಿನ ಮಂಗಳವಾರದಿಂದ ಹೊಸದೊಂದು ಸೀರೀಸ್ ಪ್ರಾರಂಭವಾಗಲಿದೆ. ನಿಮ್ಮ ಪ್ರೋತ್ಸಾಹದಾಯಕ ಕಮೆಂಟುಗಳ,ಮತ್ತಷ್ಟು ಚಿತ್ರಗಳ ನಿರೀಕ್ಷೆಯಲ್ಲಿದ್ದೇವೆ.

ಧನ್ಯವಾದಗಳೊಂದಿಗೆ,

Team ಚಿತ್ರ ವಿಚಿತ್ರ .

ಫಲಕೋತ್ಸವ ಸೀಸನ್ ಎರಡು - ೩೦

2009-05-26T09:00:00.001+05:30

ಇಷ್ಟು ದಿನ ಫಲಕೋತ್ಸವದಲ್ಲಿ ನಾವೆಂದೂ ನಿಮ್ಮನ್ನು, " ಇಂಥದ್ದನ್ನು ಹುಡುಕಿ, ಇಂಥದ್ದನ್ನು ಮಾಡಿ" ಅಂತ ಕೇಳಿರಲಿಲ್ಲ. ಇವತ್ತು, ಓದುಗ ಬಾಂಧವರಿಗೆ ಒಂದು ಸಣ್ಣ...ಅಲ್ಲಲ್ಲ...ಎರಡು ಸಣ್ಣ ಪರೀಕ್ಷೆಗಳು.

ಪರೀಕ್ಷೆ 1. ಇದೊಂದು ಆಂಗ್ಲ ಫಲಕ. ಇದರಲ್ಲಿ ಅವರು ಮಾರಾಟಕ್ಕೆ ಇಟ್ಟಿರುವ ವಸ್ತು ಏನೆಂದು ನೀವು ಕಂಡುಹಿಡಿಯಬೇಕು. ನಿಮಗೆ ಸ್ಪೆಲ್ಲಿಂಗ್ ಅರ್ಥವಾದರೆ ಮತ್ತು ನೀವು ಈ ಪರೀಕ್ಷೆಯಲ್ಲಿ ಉತ್ತೀರ್ಣರಾದರೆ ನಾವು ನಿಮಗೆ "ಪ್ರಳಯಾಂತಕ ಬುದ್ಧಿವಂತ"ಎಂಬ ಬಿರುದನ್ನ ಪ್ರದಾನ ಮಾಡುತ್ತೇವೆ. [:)]

ಫೋಟೋ: ಲಕ್ಷ್ಮೀ.

ಪರೀಕ್ಷೆ 2. ಈ ಫಲಕದಲ್ಲಿ ಎಷ್ಟು ತಪ್ಪುಗಳಿವೆ ಅಂತ ನೀವು ಎಣಿಸಿ ನಮಗೆ ಹೇಳಬೇಕು. ಇದರಲ್ಲಿ ಉತ್ತೀರ್ಣರಾದವರಿಗೆ "ಸಂಖ್ಯಾಶಾಸ್ತ್ರ ಶಿರೋಮಣಿ" ಎಂಬ ಬಿರುದನ್ನು ನೀಡಲಾಗುತ್ತದೆ.

ಫೋಟೋ: ಜಯಶಂಕರ್ ಎ. ಎನ್. [http://anjshankar.blogspot.com]

ಎರಡು ಫೋಟೋ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ " ಪ್ರಕಾಂಡ ಪಂಡಿತ" ಅನ್ನೋ ಸರ್ಟಿಫಿಕೇಟನ್ನು ನೀಡಲಾಗುತ್ತೆ.

By the way, ಉತ್ತರ ಮುಂದಿನ ವಾರ.

ಫಲಕೋತ್ಸವ ಸೀಸನ್ ಎರಡು - ೨೯

2009-05-19T09:00:00.001+05:30

ಈ ಬಾರಿ ಮೂರು ಫೋಟೋಗಳನ್ನ ಒಂದೇ sub-heading ಅಡಿಯಲ್ಲಿ ಹಾಕುವ ಪ್ರಯತ್ನ ಮಾಡಿದ್ದೇವೆ. Sub heading- Silly mistakes. ಇದು ಹಿಂದಿನ ಫಲಕಗಳ ತರಹ Technically incorrect ಅಲ್ಲ. ಸ್ಪೆಲ್ಲಿಂಗ್ ಮಿಸ್ಟೇಕುಗಳು, ಆದರೂ ಓದಲು ಮಜವಾಗಿರುವಂಥವು. ಈ ಫೋಟೋಗಳನ್ನು ಕಳಿಸಿಕೊಟ್ಟವರು ಜಯಶಂಕರ್ ಮತ್ತು ಪೃಥ್ವಿರಾಜ್ .

ಫೋಟೋ ಕೃಪೆ: ಜಯಶಂಕರ್ ಎ. ಎನ್. [ಅಂತರ್ವಾಣಿ- http://anjshankar.blogspot.com]

ಫೋಟೋ ಕೃಪೆ: ಪೃಥ್ವಿರಾಜ್ ಪಿ. [http://prith-view.blogspot.com]

ಫಲಕೋತ್ಸವ ಸೀಸನ್ ಎರಡು - ೨೮

2009-05-12T09:00:00.002+05:30

ತರ್ಜುಮೆಯಲ್ಲಿ ಮಾಲಪ್ರೋಪಿಸಮ್![Malapropism - an act or habit of misusing words ridiculously, esp. by the confusion of words that are similar in sound.]

ಫೋಟೋ: ಪರಿಸರಪ್ರೇಮಿ.

ಇನ್ನೊಂದು ಫಲಕ ತರ್ಜುಮೆ ಮಾಡುವಾಗ ಆಗುವ ತಪ್ಪಿನದ್ದು. ಕನ್ನಡ ಹಾಗೂ ಆಂಗ್ಲ ಭಾಷೆಯ ಪಠ್ಯಗಳನ್ನು ಗಮನಿಸಿ.

ಫೋಟೋ: ಲಕ್ಷ್ಮೀ

ಫಲಕೋತ್ಸವ ಸೀಸನ್ ಎರಡು - ೨೭

2009-05-05T09:00:00.000+05:30

ಬಿ.ಜಿ.ಎಲ್. ಸ್ವಾಮಿಯವರು ಬೀಸೋ ದೊಣ್ಣೆಯಿಂದ ತಪ್ಪಿಸಿಕೊಂಡಿರಬೇಕು. (ಬೀಸೋ ದೊಣ್ಣೆ ತಪ್ಪಿಸಿಕೊಂಡರೆ ಸಾವಿರ ವರ್ಷ ಆಯಸ್ಸು ಎಂಬುದು ಗಾದೆ.) ಬಿ.ಜಿ.ಎಲ್. ಸ್ವಾಮಿಯವರು ಇದ್ದ ಕಾಲವನ್ನು ಗಮನಿಸಿ. :-)

ಫಲಕೋತ್ಸವ ಸೀಸನ್ ಎರಡು - ೨೬

2009-04-28T09:00:00.003+05:30

ತಮಿಳುನಾಡಿನ ಎರಡು ಪ್ರಸಿದ್ಧ ದೇವಸ್ಥಾನಗಳಲ್ಲಿ ಕಂಡ ಅಮೋಘ ಫಲಕಗಳಿವು. "ದೇವರೇ...ನಮಗೆ ಚೆನ್ನಾಗಿ ದುಡ್ಡು ಬರುವ ಹಾಗೆ ಮಾಡಪ್ಪಾ " ಅಂತ ನಾವು ಕೇಳಿಕೊಳ್ಳೋ ಅವಶ್ಯಕತೆಯೇ ಇಲ್ಲ..."Way to Rs. 100" ಅಂತ ಹಾಕ್ಬಿಟ್ಟಿದ್ದಾರೆ. ಹೋಗೋದು, ನೂರು ರುಪಾಯಿ ತಗೊಳ್ಳೋದು, ಬರೋದು ! ಹೆಂಗೆ ?

ನಾನು ಹೀಗೇ ಅಂದುಕೊಂಡು ಹೋದೆ...ನೋಡಿದ್ರೆ ಅವ್ರು ನನ್ನ ಕೈಯಿಂದಲೇ ನೂರು ರುಪಾಯಿ ತಗೊಂಡ್ರು !!

ಇನ್ನೊಂದು ಅದ್ವಿತೀಯ ಫಲಕ ಕೆಳಗಿದೆ. ಇದರ ವಿವರಣೆಯ ಅವಶ್ಯಕತೆ ಇಲ್ಲ ಅನ್ಸತ್ತೆ :)

ಫೋಟೋಗಳು: ಲಕ್ಷ್ಮೀ

ಫಲಕದ ಕಥೆ

2009-04-24T15:27:00.002+05:30

ಫಲಕೋತ್ಸವ ಮೊದಲನೆಯ ಸೀಸನ್ ಮುಗಿಸಿ ಈಗ ಎರಡನೆಯ ಸೀಸನ್ ನಲ್ಲಿ ಇಪ್ಪತ್ತೈದು ಕಂತುಗಳನ್ನು ಮುಗಿಸಿ ಯಶಸ್ವಿಯಾಗಿ ಮುನ್ನುಗ್ಗುತ್ತಿದೆ. ಇಪ್ಪತ್ತಕ್ಕೆ ನಿಲ್ಲಿಸೋಣ ಅಂತಿದ್ವಿ, ಎಲ್ಲರು ಅಪಾರ ಸಂಖ್ಯೆಯಲ್ಲಿ ಚಿತ್ರಗಳನ್ನು ಕಳಿಸುತ್ತಿದ್ದಾರೆ ಆದ್ದರಿಂದ ಫಲಕೋತ್ಸವವನ್ನು ಇನ್ನು ಮುಂದುವರೆಸಲಿದ್ದೀವಿ.

ಈಗ, ಮಂಗಳವಾರದ ಬದಲು ಶುಕ್ರವಾರ ಹೊಸ ಪೋಸ್ಟ್ ಯಾಕೆ ಬಂತು ಅಂತ ನೀವೆಲ್ಲ ಹುಬ್ಬೇರಿಸಬೇಡಿ. ಅದಕ್ಕೆ ಕಾರಣ ಇದೆ.
ಪ್ರತಿ ಸಲ ಬರಿ ಫೋಟೋ ನೋಡುತ್ತಿದ್ದಿರಿ. ಈ ಬಾರಿ ಒಂದು ಕಥೆ ಓದಿ. ಶ್ರೀ ಶ್ರೀನಿವಾಸ ಹುದ್ದರ್ ಅವರು ನಮ್ಮ ಬ್ಲಾಗಿಗೆ ಬಂದು ಫಲಕೋತ್ಸವವನ್ನ ನೋಡಿ ತಮ್ಮ ನೆನಪೊಂದನ್ನು ಹಂಚಿಕೊಂಡಿದ್ದಾರೆ. ಅದನ್ನು ನಿಮ್ಮ ಮುಂದೆ ಪ್ರಸ್ತುತಪಡಿಸಲಿಚ್ಛಿಸುತ್ತೇನೆ. Over to his mail.

ಫಲಕ ಅಂದ್ರೆ ನೆನಪಾಗುವ ಶಂಕ್ರಯ್ಯ.....
ಶಂಕ್ರಯ್ಯ ಅಂತ ಒಬ್ಬ ಪಿವುನ್ ಇದ್ದ.ಅವನಿಗೆ ಫಲಕ ಬರಿಯೋಕು ಬರ್‍ತಿತ್ತು.ಇಂಜಿನಿಯರ್ ಒಬ್ಬರು ಅವನಿಗೆ ಮೈಲಿ ಕಲ್ಲಿನ ಮೇಲೆ "ಮರಿಯಮ್ಮನಹಳ್ಳಿ" ೩ ಕಿ.ಮೀ.ಅಂತ ಬರೆಯಲು ಹೇಳಿ ಕಳಿಸಿದ್ದರು. ಅವ್ನು ಚಿಕ್ಕ ಕಲ್ಲಿನ ಮೇಲೆ ಹೇಗೆ ಬರಿಯುವುದು ಅಂತ ಚಿಂತಿಸುತ್ತಿರುವಾಗಲೇ ನಮ್ಮ ಸಾಹೇಬರು ಜೀಪನಲ್ಲಿ ಬಂದಿಳಿದರು.ಶಂಕ್ರಯ್ಯ ಸಾಹೇಬರ,
"ಮರಿಯಮ್ಮನಹಳ್ಳಿ" ಕಲ್ಲಿನ ಮೇಲೆ ಸಾಲಂಗಿಲ್ಲ "ಕೂಡ್ಲಿಗಿ" ಅಂತ ಬರೆಯಲೇ ಎಂದು ಕೇಳಿದ ಯಾಕೋ ಸಿಟ್ಟಿನಲ್ಲಿದ್ದ ಸಾಹೇಬರು "ದಿಲ್ಲಿ" ಅಂತ ಬರಿ ಹೇಳಿ ಜೀಪ ಹತ್ತಿಬಿಟ್ಟರು. ಈ ಶಂಕ್ರಯ್ಯ ಅದನ್ನೆ ಬರೆದು ಬಿಟ್ಟ.
"ದಿಲ್ಲಿ"
೩ ಕಿ.ಮೀ.
ಮುಂದೆ ಯಾವಾಗಲೋ ಅದನ್ನ ಬದಲಾಯಿಸಲಾಯಿತು.
ಶ್ರೀನಿವಾಸ.ಹುದ್ದಾರ.
ಧಾರವಾಡ.

ನಿಮ್ಮನೆನಪನ್ನು ಹಂಚಿಕೊಂಡದ್ದಕ್ಕೆ ಬಹಳ ಧನ್ಯವಾದಗಳು ಸರ್.

ಫಲಕೋತ್ಸವ ಸೀಸನ್ ಎರಡು- ೨೫

2009-04-21T09:00:00.001+05:30

ಇದು ಮೋಟುಗೋಡೆ ಐಟಮ್ಮು. ಸೂಕ್ಷ್ಮವಾಗಿ ಗಮನಿಸಿದರೆ ಬೇಕಾದ್ದು ಸಿಗುತ್ತೆ. ಸಿಗದೇ ಇದ್ದರೆ ಕೆಳಗಿನ ಚಿತ್ರವನ್ನು Zoom in ಮಾಡಿಕೊಂಡು ನೋಡತಕ್ಕದ್ದು.

ಫಲಕೋತ್ಸವ ಸೀಸನ್ ಎರಡು- ೨೪

2009-04-14T09:00:00.001+05:30

ಗಂಟೆಗಟ್ಟಲೆ ಬೈನಾಕ್ಯುಲರ್ ಹಿಡಿದುಕೊಂಡು ಪಕ್ಷಿವೀಕ್ಷಣೆಗಾಗಿ ಹೊರಡುವ ಆರ್ನಿಥಾಲಜಿಸ್ಟುಗಳಿಗಾಗಿ ಈ ಫಲಕ!

ಪಕ್ಷಿವೀಕ್ಷಣೆಯೆಂದರೆ ಅದೇನು ತಿರುಪತಿ ತಿಮ್ಮಪ್ಪನ ದರ್ಶನವೇ? ಕೂತಲ್ಲಿ ಕೂತಿರೋದನ್ನ ಎರಡು ಸೆಕೆಂಡಲ್ಲಿ ನೋಡಿಕೊಂಡು ಹೋಗೋಕೆ?

Birds for all ಎಂದರೆ? ಯಾರೋ ಗಣಿತ ಮೇಷ್ಟ್ರು ಇರಬೇಕು ಇದನ್ನು ತರ್ಜುಮೆ ಮಾಡಿರುವುದು, "for all.." ಎಂದು ಇನ್ಯಾರು ತಾನೇ ಬರೆದಾರು!

ಫಲಕೋತ್ಸವ ಸೀಸನ್ ಎರಡು - ೨೩

2009-04-07T09:00:00.002+05:30

ಈ ಸರ್ತಿಯೂ ಎರಡು ಫೋಟೋಗಳು.
ಈ ಫೋಟೋ ಕಳಿಸಿಕೊಟ್ಟವರು ಶ್ರೀಹರ್ಷ ಸಾಲಿಮಠ್ ಅವರು. ಅವರ ವಿವರಣೆ ಇಂತಿದೆ.

" ನಮ್ಮಲ್ಲಿನ ಭಾಷಾ ದಾರಿದ್ರ್ಯಕ್ಕೆ ಉದಾಹರಣೆ ಇದು.

ಬಾಬುಸಿಂಗರ ಪೇಡೆ ವಿಶ್ವದಲ್ಲೇ ಉತ್ತಮ ಎಂಬುದಕ್ಕೆ ಅನುಮಾನವಿಲ್ಲ.

ಇಂಗ್ಲಿಶ್ ನ ಅಪಾಸ್ತ್ರುಪಿಯನ್ನು ಕನ್ನಡಕ್ಕೆ ನೇರವಾಗಿ ವರ್ಗಾಯಿಸಿದ್ದಾರೆ. "

ಮತ್ತೊಂದು ಭಾಷಾ ಅವಾಂತರವನ್ನು ಕಾರ್ತಿಕ್ ಸಿ ಸುನಿಲ್ ಅವರು ಕಳಿಸಿಕೊಟ್ಟಿದ್ದಾರೆ. ಅವರ ವಿವರಣೆ ಇಂತಿದೆ:
"Idu nodri, vidhyanagara ante.. Govt board galallooo tappaadre en maadona ?"

ಫಲಕೋತ್ಸವ ಸೀಸನ್ ಎರಡು - ೨೨

2009-03-31T09:00:00.000+05:30

ಪ್ರತಿ ಸಲ ಒಂದೊಂದೇ ಫೋಟೋ ನೋಡುತ್ತಿದ್ದಿರಿ...ಈ ಬಾರಿ ಎರಡು ವಿಚಿತ್ರ ವಿಶೇಷಗಳನ್ನ ನಿಮ್ಮ ಮುಂದಿಡುತ್ತಿದ್ದೇನೆ. ಮೊದಲ ಚಿತ್ರವನ್ನ ಕಳಿಸಿಕೊಟ್ಟವರು ಗಣೇಶ್ ನಮನ ಅವರು. "Site for sale" ಅಂತ ಸಾರ್ವಜನಿಕ ಸ್ವತ್ತಾದ ಬಸ್ ನಿಲ್ದಾಣದ ಮುಂದೆ ಹಾಕಿದ್ದಾರೆ. ನೋಡಿದವರಿಗೆ ಬಸ್ ಸ್ಟಾಪ್ ಮಾರಾಟಕ್ಕಿದೆ ಅನ್ನುವ ಹಾಗನ್ನಿಸತ್ತೆ ಅಂತ ಗಣೇಶ್ ಅವರಿಗೆ ಅನ್ನಿಸಿ ನಮಗೆ ಫೋಟೋ ಕಳಿಸಿದ್ದಾರೆ.

ಇನ್ನೊಂದು ಅತ್ಯದ್ಭುತ, ಅದ್ವಿತೀಯ ಫೋಟೋ. ದೇಶದ ಪ್ರಮುಖ ಪಕ್ಷ ಒಂದು ತನ್ನ ಕಚೇರಿಯನ್ನು ಇಲ್ಲಿ ಸ್ಥಾಪಿಸಲಾಗಿದೆ ಅಂತ ಫಲಕ ಹಾಕಿದೆ. ನಿಮಗೆ ಕಟ್ಟಡ ಕಾಣತ್ತಾ ? ನೀವು ದುರ್ಬೀನು, ಟೆಲೆಸ್ಕೋಪು, ಮೈಕ್ರೋಸ್ಕೋಪ್ ಇಟ್ಟುಕೊಂಡು ನೋಡಿ ಬೇಕಿದ್ರೆ !
ಈ ಫೋಟೋ ಕಳಿಸಿಕೊಟ್ಟವರು ಶ್ರೀಕಾಂತ್ ಕೆ.ಎಸ್.

ಫಲಕೋತ್ಸವ ಸೀಸನ್ ಎರಡು - ೨೧

2009-03-24T09:00:00.001+05:30

ಇದರ ಬಗ್ಗೆ ನಾನು ಏನೂ ಮಾತಾಡಕ್ಕೇ ಹೋಗಲ್ಲ !

ಫೋಟೋ : ಲಕ್ಷ್ಮೀ

ಫಲಕೋತ್ಸವ ಸೀಸನ್ ಎರಡು - ೨೦

2009-03-17T09:00:00.001+05:30

ಕೈ ತೋರಿದಲ್ಲಿ ನಿಲ್ಲುವ ವಾಹನ ಅಂತ ಇದೆ. ಇದನ್ನ ನೋಡಿದ ಮೇಲೆ ನನಗೆ ಮೂಡಿದ ಪ್ರಶ್ನೆಗಳು ಇವು:

೧. brakes = ಕೈ. ಹೌದಾ ?

೨. ಕೈ ತೋರಿದರೆ ನಿಲ್ಲತ್ತೆ. ನಿಂತ ಮೇಲೆ ಮತ್ತೆ ಹೇಗೆ ಮುಂದುವರಿಯುತ್ತೆ ? ಅದಕ್ಕೆ ಕಾಲು ತೋರಿಸಬೇಕಾ ಅಥವಾ ಕಾಲು ಕೊಡಬೇಕಾ ?

ಫೋಟೋ ಕಳಿಸಿದವರು : ಶ್ರೀಕಾಂತ್ ಕೆ.ಎಸ್.[ಮನಸಿನ ಪುಟಗಳ ನಡುವೆ ಬ್ಲಾಗಿನವರು]

ಫಲಕೋತ್ಸವ ಸೀಸನ್ ಎರಡು - ೧೯

2009-03-10T09:00:00.000+05:30

ಫೋಟೋ ಕಳಿಸಿದವರು ಶ್ರೀಕಾಂತ್ ಕೆ.ಎಸ್.

ಈ ಫಲಕದಲ್ಲಿ ಬರೆದಿರೋದನ್ನ ಒಂದೇ ಬಾರಿಗೆ ಪೂರ್ತಿ ಓದಿಕೊಂಡುಬಿಡಿ , ಮಧ್ಯದಲ್ಲೆಲ್ಲೂ pause ಮಾಡಕೂಡದು :)

ಫಲಕೋತ್ಸವ ಸೀಸನ್ ಎರಡು - ೧೮

2009-03-03T09:00:00.000+05:30

ಈ ಫೋಟೋವನ್ನು ಕಳಿಸಿದವರು ಸಹ ಬ್ಲಾಗಿಗ ಶ್ರೀನಿವಾಸ ರಾಜನ್(ಗಂಡಭೇರುಂಡ) . ಹೋಟೆಲ್ ಒಂದರಲ್ಲಿ ದೊಡ್ಡ ಕನ್ನಡಿಯನ್ನಿಟ್ಟು" " ಇಲ್ಲಿ ತಲೆ ಬಾಚಿಕೊಳ್ಳುವ ಹಾಗಿಲ್ಲ"ಅಂತ ಹಾಕಿದರೆ ಕನ್ನಡಿ ಇರೋದು ಯಾಕೆ ? " ಅಂತ ಅವರ ಪ್ರಶ್ನೆ. ಮತ್ತು ಅವರಿಗೆ ಆಂಗ್ಲದಲ್ಲಿ ಬರೆಯುವುದು ಹೇಗೆಂದು ಗೊತ್ತಾಗದೆ ಸಿಕ್ಕಾಪಟ್ಟೆ ಕನ್ ಫ್ಯೂಸ್ ಆಗಿರೋದನ್ನ ನೀವು ಆ ಫಲಕದಲ್ಲೇ ನೋಡಬಹುದು.

ಚಿತ್ರ ವಿಚಿತ್ರಕ್ಕೆ ಒಂದು ವರ್ಷ

2009-03-01T15:29:00.006+05:30

ನನ್ನ ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆ ಹಿಡಿದ ವಿಚಿತ್ರ ಚಿತ್ರಗಳನ್ನು ಹಾಕಲಿಕ್ಕೆಂದು ಶುರು ಮಾಡಿದ ಈ ಪುಟ್ಟ ಫೋಟೋಬ್ಲಾಗು ಇಂದು ನಿಮ್ಮೆಲ್ಲರ ಪ್ರೋತ್ಸಾಹ, ಕೊಡುಗೆ ಮತ್ತು ಭಾಗವಹಿಸುವಿಕೆಯಿಂದ ಇಂದಿಗೆ ಒಂದು ವರ್ಷ ಪೂರೈಸಿದೆ. ಪರಿಸರಪ್ರೇಮಿ ಅರುಣರ ಕೊಡುಗೆ, ಸಲಹೆ ಮತ್ತು ಮಾರ್ಗದರ್ಶನದಲ್ಲಿ,ಶ್ರೀಕಾಂತ್ ಹಾಗೂ ಶ್ರೀನಿವಾಸ್ ಅವರ ಚಿತ್ರಕೊಡುಗೆಗಳಿಂದ ಶುರುವಾದ ಈ ಬ್ಲಾಗು ಆನಂತರದಲ್ಲಿ ಓದುಗ ಬಾಂಧವರಿಂದ ಕೊಡುಗೆಗಳನ್ನು ಸ್ವೀಕರಿಸುವ ಮಟ್ಟಕ್ಕೆ ಈಗ ಬೆಳೆದು ನಿಂತಿದೆ. ಫಲಕೋತ್ಸವ ಅಂದುಕೊಂಡಿದ್ದಕ್ಕಿಂತ ಹೆಚ್ಚಿನ ಯಶಸ್ಸನ್ನು ಕಂಡು ಈಗ ಎರಡನೆಯ ಸೀಸನ್ ನಡೆಯುತ್ತಿದೆ. ಈ ಸಂದರ್ಭದಲ್ಲಿ ನಾನು ಬ್ಲಾಗ್ ಯಶಸ್ವಿಯಾಗಲು ಸಹಕರಿಸಿ ಪ್ರೋತ್ಸಾಹಿಸಿದ ನಿಮ್ಮೆಲ್ಲರಿಗೂ ಕೃತಜ್ಞಳಾಗಿದ್ದೇನೆ.

ನಾವು ಫೋಟೋ ತೆಗೆಯಲು ಕ್ಯಾಮೆರಾ ಇರಲೇಬೇಕಲ್ಲವೇ ? ಮೊಬೈಲೋ, ಡಿಜಿಕ್ಯಾಮೋ, ಎಸ್ ಎಲ್ ಆರ್ , ಯಾವುದಿರಲಿ, ನಾನು ಅದಕ್ಕೂ ಕೃತಜ್ಞಳು.ಈ ಸಂದರ್ಭದಲ್ಲಿ ಕ್ಯಾಮೆರಾ ಬೆಳೆದು ಬಂದ ದಾರಿಯ ಒಂದು ಪುಟ್ಟ ಪರಿಚಯ ಮಾಡಿಕೊಳ್ಳುವುದು ಸೂಕ್ತ ಎನಿಸುತ್ತದೆ.

ಕ್ಯಾಮೆರಾದ ಮೊದಲ ರೂಪ ಕ್ಯಾಮೆರಾ ಒಬ್ಸ್ ಕ್ಯೂರಾ (camera obscura). ಇದನ್ನು ಕಂಡುಹಿಡಿದವರು ಇರಾನಿಯನ್ ವಿಜ್ಞಾನಿ Ibn al-Haytham (Alhazen).

ಅಂದಿನಿಂದ ೧೯೯೦ವರೆಗೆ ಆದ ಬೆಳವಣಿಗೆಯನ್ನು ಈ ಲಿಂಕಿನಲ್ಲಿ ಕಾಣಬಹುದು.

ಡಿಜಿಟಲ್ ಫೋಟೋಗ್ರಫಿಯ ಬಗ್ಗೆ ಹೆಚ್ಚು ಜನಕ್ಕೆ ಗೊತ್ತಿದೆ.ಆದ್ದರಿಂದ ಅದನ್ನು ವಿವರಿಸುವ ಅವಶ್ಯಕತೆಯಿಲ್ಲ ಎಂದುಕೊಳ್ಳುತ್ತೇನೆ.

ಈ ಬ್ಲಾಗಿನ ಉಗಮಕ್ಕೆ ಕಾರಣವಾದ ನನ್ನ ಮೊಬೈಲ್ ಫೋನ್ ಮತ್ತು ನಮ್ಮ ತಂಡದ ಮೊಬೈಲ್ ಫೋನ್ ಗಳು ಹಾಗೂ ಕ್ಯಾಮೆರಾಗಳಿಗೆ, ಮತ್ತು ನಿಮ್ಮೆಲ್ಲರ ಕ್ಯಾಮೆರಾಗಳಿಗೂ ಒಂದೊಂದು ಥ್ಯಾಂಕ್ಸ್ !

ಫೋಟೋ ಕೃಪೆ: ವಿಕಿಪೀಡಿಯಾ.

ಫಲಕೋತ್ಸವ ಸೀಸನ್ ಎರಡು - ೧೭

2009-02-24T09:00:00.001+05:30

ಫೋಟೋ ಕೃಪೆ : ಜ್ಯೋತಿ.

ಅವರ ವಿವರಣೆ ಇಂತಿದೆ.

ಇದು ಹುಬ್ಬಳ್ಳಿಯಿಂದ ಬದಾಮಿಗೆ ಹೋಗುವಾಗಿ ದಾರಿ ಮಧ್ಯದಲ್ಲಿ ತೆಗೆದಿದ್ದು.
ವೊಡಾಫೋನ್ ವೂಡಾಫೂನ್ ಆದದ್ದು ಯಾವಾಗ ಅಂತ ಗೊತ್ತಾಗ್ಲಿಲ್ಲ!!
ಹಾಗೆ ಹಿಂದೆ ನೋಡಿದ್ರೆ, professional ಅಂತ ಇಂಗ್ಲೀಷ್ ಅಲ್ಲಿ ಸರಿಯಾಗಿ ಬರೆದು, ಕನ್ನಡದಲ್ಲಿ ಯಾಕೋ ಪ್ರೊಪೇಷನಲ್ ಮಾಡಿ ಬಿಟ್ಟಿದ್ದಾರೆ.

ಫಲಕೋತ್ಸವ ಸೀಸನ್ ಎರಡು - ೧೬

2009-02-17T09:00:00.003+05:30

ಇಂಥಾ ಬೋರ್ಡನ್ನು ನೀವು ಇದುವರೆಗೂ ನೋಡಿರಲಿಲ್ಲ ಅನ್ಸತ್ತೆ. ನೋಡೀ ಪಾ...ಸಂಪರ್ಕಿಸುವುದಿದ್ದರೆ ಸಂಪರ್ಕಿಸಿ ನೋಡಿ.

ಫೋಟೋ ಕೃಪೆ: ಪ್ರವೀಣ್ ಉಡುಪ (via forwarded mail from Prasad murty)

ಫಲಕೋತ್ಸವ ಸೀಸನ್ ಎರಡು - ೧೫

2009-02-10T09:00:00.001+05:30

ಈ ಫೋಟೋವನ್ನು ಕಳಿಸಿಕೊಟ್ಟವರು ಕಾರ್ತಿಕ್.ಸಿ.ಸುನಿಲ್. ಅವರ ವಿವರಣೆ ಇಂತಿದೆ.

"Monne Chikkamagalurina hotel nalli kanda phone-u idu. Reception spelling nodi majavaagide. Ado allade, dial 90 or 100 anta baryakke punyaatma 90R100 ante.. "

ಫಲಕೋತ್ಸವ ಸೀಸನ್ ಎರಡು-೧೪

2009-02-03T09:00:00.001+05:30

ಅಪ್ರತಿಮ ವಾಗ್ಮಿ, ಅಸಾಮಾನ್ಯ ಬರಹಗಾರ, ಅಸತ್ಯವನ್ನು ಅನ್ವೇಷಿಸುವಲ್ಲಿ ಸದಾ ನಿರತರಾಗಿರುವ ಸಹ ಬ್ಲಾಗಿಗ ಅಸತ್ಯ ಅನ್ವೇಷಿಯವರು ಅಸತ್ಯವನ್ನು ಅನ್ವೇಷಣೆ ಮಾಡುವ ಕೆಲಸಕ್ಕೆ ಅನಾಮತ್ತಾಗಿ ರಜೆ ಘೋಷಿಸಿ ನಮ್ಮ ಚಿತ್ರ ವಿಚಿತ್ರ ಬ್ಲಾಗಿನ ಫಲಕೋತ್ಸವಕ್ಕೆ ಚಿತ್ರವನ್ನು ಅನ್ವೇಷಣೆ ಮಾಡಿ ಕಳಿಸಿದ್ದಾರೆ :) ಅದಕ್ಕೆ ನಾವು ’ಅ’ತ್ಯಂತ ’ಅ’ಭಾರಿಗಳಾಗಿದ್ದೇವೆ.

ಇದು ಕಾಂಚಿಪುರದ ಪ್ರಸಿದ್ಧ ದೇವಾಲಯವೊಂದರಲ್ಲಿ ತೆಗೆದ ಚಿತ್ರವಂತೆ. ದೇವಸ್ಥಾನದ ಅಧಿಕಾರಿಯವರು ಕನ್ನಡದಲ್ಲಿ ಏನನ್ನು ಹೇಳಲು ಬಯಸುತ್ತಿದ್ದಾರೆ ಅಂತ ನಾನು ವಿವರಿಸುವ ಅವಶ್ಯಕತೆ ಇಲ್ಲ ಅಂತ ಅನ್ನಿಸುತ್ತೆ.

ಅಂದ ಹಾಗೆ ಇದು ಚಿತ್ರವಿಚಿತ್ರದ ಐವತ್ತನೆಯ ಪೋಸ್ಟು. ನಿಮ್ಮ ಪ್ರೋತ್ಸಾಹ ನೀವೆಲ್ಲರೂ ಕಳಿಸುವ ಫೋಟೋಗಳ ಮೂಲಕ ಹೀಗೆ ಇರಲಿ ಎಂದು ಆಶಿಸುತ್ತೇವೆ.

--ಚಿತ್ರ ವಿಚಿತ್ರ ತಂಡ

ಫಲಕೋತ್ಸವ ಸೀಸನ್ ಎರಡು-೧೩

2009-01-27T09:00:00.004+05:30

ಇದಕ್ಕೆ ವಿವರಣೆಯ ಅವಶ್ಯಕತೆ ಇಲ್ಲ ಅನ್ಸತ್ತೆ :)

ಫೋಟೋ ಫಾರ್ವರ್ಡ್ ಮಾಡಿದವರು : ರಾಧಾ . ಆರ್ ( ಮೂಲ ಫೋಟೋ ತೆಗೆದವರ ಹೆಸರು ಗೊತ್ತಿಲ್ಲ)

ಫಲಕೋತ್ಸವ ಸೀಸನ್ ಎರಡು-೧೨

2009-01-20T09:00:00.001+05:30

ಇದು ಡಿಸೆಂಬರ್ ೧೦ನೇ ತಾರೀಖು ಉದಯ ವಾಣಿಯಲ್ಲಿ ಮಂಗಳೂರು ಆವೃತ್ತಿಯಲ್ಲಿ ಪ್ರಕಟವಾದ ಒಂದು ಫಲಕದ ಫೋಟೋ. ಆದರೂ ಇದನ್ನ ಬ್ಲಾಗಿಗೆ ಹಾಕಲೇ ಬೇಕು ಅಂತ ಅನಿಸಿ ಪ್ರವೀಣ್ ಉಡುಪರು ಕಳಿಸಿದ್ದಾರೆ. ವಿವರಣೆ ಫೋಟೋ ಕೆಳಗೇ ಇದೆ...ಕ್ಲಿಕ್ ಮಾಡಿದರೆ ದೊಡ್ಡದಾಗಿ ಕಾಣತ್ತೆ.

ಫಲಕೋತ್ಸವ ಸೀಸನ್ ಎರಡು-೧೧

2009-01-13T09:00:00.007+05:30

ದೇವಸ್ಥಾನವನ್ನೇ ಪ್ರಸಾದವನ್ನಾಗಿ ಕೊಡ್ತಾರಲ್ಲ ಅಂತ ಆಸೆ ಪಟ್ಕೊಂಡ್ ಹೋದೆ...ನೋಡಿದ್ರೆ ಅಂಗಡಿ ನೂ ಇಲ್ಲ, ಪ್ರಸಾದನೂ ಇಲ್ಲ...ಕೋರಿಕೆದಾರನೂ ಇಲ್ಲ...ಹುಡ್ಕಿ ಹುಡ್ಕಿ ಸಾಕಾಯ್ತು !

ಫೋಟೋ: ಲಕ್ಷ್ಮೀ

ಫಲಕೋತ್ಸವ ಸೀಸನ್ ಎರಡು-೧೦

2009-01-06T09:00:00.001+05:30

ಈ ಬೋರ್ಡನ್ನು ಬರೆದವರು ಉಪೇಂದ್ರನ ಪಕ್ಕಾ ಅಭಿಮಾನಿ ಅನ್ಸತ್ತೆ. ಪ್ರಚಾರಕ್ಕೆ ಒಳ್ಳೆಯ ಗಿಮಿಕ್ ಅಲ್ವಾ ? :)

ಫೋಟೋ ಕೃಪೆ: ಶ್ರೀಕಾಂತ್ ಕೆ.ಎಸ್

ಫಲಕೋತ್ಸವ ಸೀಸನ್ ಎರಡು - ೯

2008-12-30T09:00:00.000+05:30

ಬ್ಯೂಟಿ ಪಾರ್ಲರ್ ಗಳಲ್ಲಿ ಇದು "Advanced"ಅಂತೆ. ಪಾರ್ಲರ್ ಸ್ಪೆಲ್ಲಿಂಗನ್ನು ಗಮನಿಸಿ.ಹಾಗೇ...arrow head ತೋರಿಸಿ 44 ಅಂತ ಬರ್ದಿದಾರೆ. ಏನಂತ ಅರ್ಥ ಮಾಡ್ಕೊಬೇಕು ಇದನ್ನ ? 44 ಹೆಜ್ಜೆ ಆದ್ಮೇಲೆ ಪಾರ್ಲರ್ ಅಂತಾನ ? ಅಥ್ವಾ ನಲ್ವತ್ತ್ನಾಲ್ಕನೇ ಬಿಲ್ಡಿಂಗ್ ನಲ್ಲಿ ಈ ಪರ್ಲರ್ ಇದೆ ಅಂತಾನಾ ? ಅಡ್ರೆಸ್ಸೇ ಕೊಡದ ಮಹಾಶಯ ಮೊಬೈಲ್ ನಂಬರ್ರನ್ನು ಕೊಟ್ಟಿರುವುದು ನೋಡಿದರೆ ಜನರು ಫೋನ್ ಮಾಡಿ, ಅಪಾಯಿಂಟ್ಮೆಂಟ್ ತಗೊಂಡೇ ಹೋಗಬೇಕೆನ್ನಿಸುತ್ತದೆ!

ಫೋಟೋ ಕೃಪೆ: ಶ್ರೀಕಾಂತ್.ಕೆ.ಎಸ್.

ಫಲಕೋತ್ಸವ ಸೀಸನ್ ಎರಡು - ೮

2008-12-23T09:00:00.001+05:30

ನಮ್ಮ ತಲೆಯ ಬಗ್ಗೆ ಇವರಿಗೆ ಏನು ಕಾಳಜಿ ಏನ್ ಕಥೆ ! ತಲೆ ಹೊಡೆಸಿಕೊಂಡು ಆಸ್ಪತ್ರೆ ಸೇರದಿರಿ ಎಂದು warn ಮಾಡುವ ರೀತಿ ಚೆನ್ನಾಗಿದೆ ಅಲ್ವಾ ? Mind your head ಅಂತೆ...!! ಅಲ್ಲ...ಜನರು ಮೆಟ್ಟಿಲು ಮೇಲೆ ಏನು ಬರೆದಿದ್ದಾರೆ ಎಂದು ನೋಡಿಕೊಂಡು ಹತ್ತದೇ ಇದ್ದರೆ ಈ warning ಉದ್ದೇಶ ಸಾರ್ಥವಾಗದು. ಆದರೂ ಇವರ ಪ್ರಯತ್ನ ಮೆಚ್ಚತಕ್ಕದ್ದು. ಈ ಬಾರಿ ಇದು ವಿಶೇಷ ಫಲಕ.

ಫೋಟೋ ಕೃಪೆ: ಅರುಣ್ ಎಲ್ (ಪರಿಸರಪ್ರೇಮಿ)

ಫಲಕೋತ್ಸವ ಸೀಸನ್ ಎರಡು - ೭

2008-12-16T09:00:00.001+05:30

ಎರಡು complementary ಫಲಕಗಳು. "ತಿರುಮಲ ಹೈರ್ ಸ್ಟೈಲ್" ಮತ್ತು "ಉಗುಳಬೇಡಿ" ತಿರುಮಲದ ಹೈರ್ ಸ್ಟೈಲ್ ಮೇಲೆ ಉಗುಳಬೇಡಿ ಎಂದು ಅರ್ಥೈಸಿಕೊಳ್ಳಬೇಕೆ ?

ಫೋಟೋ ಕೃಪೆ: ಅರುಣ್ ಎಲ್.(ಪರಿಸರಪ್ರೇಮಿ)

ಫಲಕೋತ್ಸವ ಸೀಸನ್ ಎರಡು - ೬

2008-12-09T13:32:00.000+05:30

ಈ ಚಿತ್ರದಲ್ಲಿ ಅನುಸ್ವಾರ ಮತ್ತು ಅಕ್ಷರ "ಯ" ವನ್ನು ಗಮನಿಸಿ. ಒಂಥರಾ different ಆಗಿ ಬರ್ದಿದಾರೆ. ಈ ಬಾರಿ ಇದು ವಿಶೇಷ ಚಿತ್ರ.

ಫೋಟೋ ಕೃಪೆ: ಅರುಣ್ . ಎಲ್ (ಪರಿಸರಪ್ರೇಮಿ)

ಫಲಕೋತ್ಸವ ಸೀಸನ್ ಎರಡು - ೫

2008-12-02T09:00:00.002+05:30

ಅಲ್ಲಾ...ತಿನ್ನಲು ಲಾನನ್ನು ಬಳಸಬೇಡಿ ಅಂದಿದ್ದಾರೆ...ಲಾನನ್ನು ತಿನ್ನಲು ನಾವೇನು ದನಗಳೇ ? :P

ಫೋಟೋ ಕೃಪೆ: ಅರುಣ್ . ಎಲ್ (ಪರಿಸರಪ್ರೇಮಿ)

ಫಲಕೋತ್ಸವ ಸೀಸನ್ ಎರಡು - ೪

2008-11-25T09:00:00.003+05:30

ನಿಮಗೆ ಈ ಫಲಕ ಅರ್ಥ ಆದರೆ ನನಗೂ ಅರ್ಥ ಮಾಡಿಸಿ. ಫ್ರೀ ಸಿಮ್ಮು ಅಂತಾರೆ, dead or alive ಅಂತಾರೆ, ಹಳೆ ಮೊಬೈಲ್ ಕೊಟ್ಟು ಹೊಸದು ಪಡೆಯಿರಿ ಅಂತಾರೆ, ಇದರಲ್ಲಿ ಯಾವುದು ಸತ್ತು ಯಾವುದು ಬದುಕಿರಬೇಕು ? ಸಿಮ್ಮಾ ?? ಫೋನಾ ??

ಫೋಟೋ : ಲಕ್ಷ್ಮೀ.

ಫಲಕೋತ್ಸವ ಸೀಸನ್ ಎರಡು - ೩

2008-11-18T09:00:00.002+05:30

ನೀವು ಇದನ್ನು ನೋಡಿ ಸೈಕಾಲಜಿಯ ಸರಿಯಾದ ಸ್ಪೆಲ್ಲಿಂಗ್ ಯಾವುದೆಂದು ತಿಳಿಯದೇ confuse ಮಾಡಿಕೊಂಡರೆ ಅದಕ್ಕೆ ನಾವು ಜವಾಬ್ದಾರರಲ್ಲ :-) :-) :-)

ಫೋಟೋ : ಲಕ್ಷ್ಮೀ

ಫಲಕೋತ್ಸವ ಸೀಸನ್ ಎರಡು - ೨

2008-11-11T09:00:00.002+05:30

ಕಿವಿಯನ್ನು ಬೋರ್ ವೆಲ್ಲ್ ಮಾಡಿರುವ ಪುಣ್ಯಾತ್ಮನೀತ ! "Ear piercing" ಬದಲು "Ear boring" ಅಂತ ಹಾಕಿದ್ದಾರೆ. ಕನ್ನಡದಲ್ಲಿಯಾದರೂ ಅರ್ಥ ನೆಟ್ಟಗೆ ಬರುವಂತೆ ಬರೆದಿದ್ದಾರಾ ? ಅದೂ ಇಲ್ಲ ! ಕಿವಿಗಳು ಚುಚ್ಚುವ ಸ್ಥಳ ಅಂತೆ! ವಿಭಕ್ತಿ ಪ್ರತ್ಯಯದ ಪಾಠ ಕಲ್ತಿಲ್ಲ ಪಾಪ....ಇದಕ್ಕೆ "ಕರ್ಣಕಾಂಡ" ಎಂಬ ಪದವೇ ಸರಿಯಾದ ವಿವರಣೆಯೇನೋ ಅನ್ನಿಸತ್ತೆ ನನಗೆ !

ಫೋಟೋ ಕೃಪೆ : ಪ್ರವೀಣ್ ಉಡುಪ.

ಫಲಕೋತ್ಸವ ಸೀಸನ್ ಎರಡು - ೧

2008-11-04T09:00:00.001+05:30

ಫಲಕೋತ್ಸವ season 1 ಕಂಡ ಅಭೂತಪೂರ್ವ ಯಶಸ್ಸಿನಿಂದ ಪ್ರೇರಿತರಾಗಿ ಈಗ ಫಲಕೋತ್ಸವದ ಎರಡನೇ season ಅನ್ನು ಪ್ರಾರಂಭಿಸುತ್ತಿದ್ದೇವೆ.ಈ ಬಾರಿಯೂ ವಿಚಿತ್ರ, ವಿಶೇಷ, ನಾನಾರ್ಥಗಳುಳ್ಳ ಫಲಕಗಳ ಪ್ರದರ್ಶನ ನಡೆಯಲಿದೆ. ಕಳೆದ ಸರಣಿಯಂತೆಯೇ ಈ ಸೀಸನ್ ನಲ್ಲೂ ನಿಮ್ಮ ಪ್ರೋತ್ಸಾಹದಾಯಕ ಕಮೆಂಟುಗಳ ನಿರೀಕ್ಷೆಯಲ್ಲಿದ್ದೇವೆ.

ಈ ಬಾರಿಯ ಫೋಟೋ ತ್ರಿಸ್ಸೂರಿನ ದೇವಸ್ಥಾನದ ಭೋಜನಶಾಲೆಯದು. ಕನ್ನಡದ ಬರಹದಲ್ಲಿ ಆಗಿರುವ ಅವಾಂತರವನ್ನು ನೀವೇ ನೋಡಿ!

ಫೋಟೋ ಕೃಪೆ: ಪ್ರವೀಣ್ ಉಡುಪ.

ವಿಚಿತ್ರ ಕಸದಬುಟ್ಟಿಗಳು - ೫

2008-10-28T10:30:00.006+05:30

ಈ ಫೋಟೋದೊಂದಿಗೆ ನಮ್ಮ ವಿಚಿತ್ರ ಕಸದ ಬುಟ್ಟಿಯ ಸರಣಿಯನ್ನು ಮುಗಿಸುತ್ತಿದ್ದೇವೆ.

ಫೋಟೋ ಕೃಪೆ : ಅಪರ್ಣ (ನನ್ನ ತಂಗಿ)

ತಳವೇ ಇಲ್ಲದ ಕಸದಬುಟ್ಟಿಯನ್ನು ನೋಡಿ ಆನಂದಿಸಿ.

ದೀಪಾವಳಿಯ ಶುಭಾಶಯಗಳು.

ವಿಚಿತ್ರ ಕಸದಬುಟ್ಟಿಗಳು - ೪

2008-10-21T09:00:00.000+05:30

ಈ ಚಿತ್ರವನ್ನು ಇಲ್ಲಿ ಹಾಕಿರುವ ಉದ್ದೇಶ ಈ ಬಾರಿ ಸ್ವಲ್ಪ ಸೀರಿಯಸ್ಸಾಗಿದೆ. ಮರದ ಮೇಲೆ ಪ್ಲಾಸ್ಟಿಕ್ ಚೀಲಗಳಲ್ಲಿ ಕಸವನ್ನು ಕಟ್ಟಿ ನೇತುಹಾಕುವುದರಿಂದ ಏನಾದರೂ ಪ್ರಯೋಜನ ಇದೆಯಾ ? ಕಸವನ್ನು ಮರಗಳ ಬುಡಕ್ಕೆ ಹಾಕಿದರೆ ಗೊಬ್ಬರವಾದರೂ ಆಗುತ್ತಿತ್ತು. ಇದನ್ನರಿಯದೇ ಇರುವ, common sense ಕೂಡಾ ಇಲ್ಲದ ಜನಗಳೂ ಈ ಪ್ರಪಂಚದಲ್ಲಿದ್ದಾರೆ ಎಂದು ತೋರಿಸಲಿಕ್ಕೆ ಈ ಚಿತ್ರವನ್ನು ಹಾಕುತ್ತಿದ್ದೇನೆ. ಮರವನ್ನು ಕಸದಬುಟ್ಟಿಯನ್ನಾಗಿ ಮಾಡಿಕೊಂಡಿರುವುದು ವಿಚಿತ್ರ ವಿಪರ್ಯಾಸ.

ವಿಚಿತ್ರ ಕಸದಬುಟ್ಟಿಗಳು - ೩

2008-10-14T09:00:00.001+05:30

ಈ ಬಾರಿ ವಿಚಿತ್ರವಾಗಿರುವುದು ಕಸದಬುಟ್ಟಿಯಲ್ಲ, ಅದನ್ನು ಸ್ಥಾಪಿಸಿರುವ ಸ್ಥಳ. ಪೋಸ್ಟ್ ಡಬ್ಬದ ಪಕ್ಕದಲ್ಲಿ ಇಟ್ಟಿದ್ದಾರೆ...ಒಂದು ವೇಳೆ ಕಸದ ಬುಟ್ಟಿಗೆ ಹೋಗಬೇಕಾದ ಕಾಗದ ಪೋಸ್ಟ್ ಡಬ್ಬದಲ್ಲಿ ಬಿದ್ದು, ಪೋಸ್ಟ್ ಆಗಬೇಕಿದ್ದ ಲಕೋಟೆ ಕಸದಬುಟ್ಟಿಯಲ್ಲಿ ಬಿದ್ದರೆ....just imagine ಮಾಡ್ಕೊಳ್ಳಿ....

ಫೋಟೋ ಕೃಪೆ : ಶ್ರೀನಿವಾಸ ರಾಜನ್

ವಿಚಿತ್ರ ಕಸದಬುಟ್ಟಿಗಳು - ೨

2008-10-07T09:00:00.004+05:30

ಕಸದ ಬುಟ್ಟಿಯನ್ನು ಗ್ರಿಲ್ಲಿಗೆ ಕಟ್ಟಿಹಾಕಲಾಗಿದೆ. ಅದಕ್ಕೆ ಬೀಗವನ್ನೂ ಜಡಿಯಲಾಗಿದೆ. ಸುರಕ್ಷತೆಗಾಗಿ ಎಂಥಾ ಪ್ಲಾನ್ ನೋಡಿ !

ಮಹಾತ್ಮಾ ಗಾಂಧಿ

2008-10-02T09:38:00.006+05:30

ಇಂದು ಗಾಂಧಿ ಜಯಂತಿ. ದೇಶಕ್ಕೆ ಸ್ವಾತಂತ್ರ್ಯ ತಂದುಕೊಡುವಲ್ಲಿ ಮಹತ್ವವಾದ ಪಾತ್ರ ವಹಿಸಿದ, ರಾಷ್ಟ್ರಪಿತನೆನಿಸಿದ ಮೋಹನದಾಸ ಕರಮಚಂದ ಗಾಂಧಿಜೀಯ ಜನ್ಮದಿನ.

ಗಾಂಧಿಯ ಬಗ್ಗೆ ಜನರೆಲ್ಲ ಓದಿ ತಿಳಿದಿದ್ದಾರೆ ಹಾಗೂ ಸಂಶೋಧನೆ ಮಾಡಿದ್ದಾರೆ.ಅವರ ಆದರ್ಶಗಳನ್ನು ಪರಿಪಾಲಿಸಿದ ಗಾಂಧೀವಾದಿಗಳು ಇದ್ದಾರೆ. ಆದರೆ ಗಾಂಧಿಜೀಯ ತದ್ರೂಪಿಯಾಗಿ ಇಲ್ಲಿ ಕೆ. ಸುರೇಂದ್ರ ಬಾಬು ಎನ್ನುವ ಅರವತ್ತೇಳು ವರ್ಷದ ವ್ಯಕ್ತಿಯೊಬ್ಬರು ತಮ್ಮ ಹೊಟ್ಟೆಪಾಡು ನಡೆಸಿದ್ದಾರೆ. ಮೂಲತಃ ಮಂತ್ರಾಲಯದವರಾದ ಇವರುಈ ಗಾಂಧಿಯ ತದ್ರೂಪವನ್ನು ಕಳೆದ ಇಪ್ಪತ್ತಾರು ವರ್ಷಗಳಿಂದ ಮಾಡಿಕೊಂಡು ಬರುತ್ತಿದ್ದಾರೆ. ಇವರು ಇದೇ ರೂಪಿನಲ್ಲಿ ದೇಶವಿಡೀ ಸಂಚರಿಸಿ ಗಾಂಧೀ ತತ್ವವನ್ನು ಪ್ರಚಾರ ಮಾಡುತ್ತಿದ್ದಾರೆ. ಇದೀಗ ಅವರು ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ಇದ್ದಾರೆ. ಗಾಂಧಿ ತಾತನ ಜನ್ಮದಿನದ ಅಂಗವಾಗಿ ಈ ಚಿತ್ರಗಳನ್ನು ಇಲ್ಲಿ ಹಾಕುವ ಮೂಲಕ , ತಾತನಿಗೆ ನಮ್ಮ ವಿನಮ್ರ ಪ್ರಣಾಮಗಳನ್ನು ಸಲ್ಲಿಸುತ್ತಿದ್ದೇವೆ.

ಇದು ವಿಚಿತ್ರ ಚಿತ್ರವಲ್ಲ ಎಂದು ಸ್ಪಷ್ಟಪಡಿಸಲಿಚ್ಛಿಸುತ್ತೇವೆ.

ಫೋಟೋ ನಮಗೆ ಕಳಿಸಿಕೊಟ್ಟವರು ಪ್ರವೀಣ್ ಉಡುಪ.

ವಿಚಿತ್ರ ಕಸದಬುಟ್ಟಿಗಳು - ೧

2008-09-23T09:44:00.000+05:30

ಫಲಕೋತ್ಸವದ ಸರಣಿ ಮುಗಿದ ಮೇಲೆ ಈಗ ವಿಚಿತ್ರ ರೀತಿಯ ಕಸದ ಬುಟ್ಟಿಗಳ ಸರಣಿಯನ್ನು ಪ್ರಾರಂಭಿಸುತ್ತಿದ್ದೇವೆ. ಬೇಕಲ್ ಕೋಟೆಯಲ್ಲಿ ಕಂಡ ಈ ವಿಚಿತ್ರ ಫೋಟೋ ಕಳಿಸಿದವರು ಶ್ರೀಕಾಂತ್. ಅದು ಯಾವ ಪುರುಷಾರ್ಥಕ್ಕೆ ಕಸದ ಬುಟ್ಟಿಗೆ ಬಲೆ ಹಾಕಲಾಗಿದೆ ಎಂಬ ರಹಸ್ಯ ಭೇದಿಸಲಾಗಿಲ್ಲ :P

ಜೇಡರ ಬಲೆ

2008-09-20T16:18:00.002+05:30

ಸ್ಲೈಡ್ ಶೋ ಲಿ ಫೋಟೋಗಳು ಸ್ಪಷ್ಟವಾಗಿ ಕಾಣದಿದ್ದರೆ ದಯಮಾಡಿ ಪಿಕಾಸಾ ಲಿಂಕ್ ಅನ್ನು ಕ್ಲಿಕ್ಕಿಸಿ ಪೂರ್ಣ ರೆಸಲೂಷನ್ ನಲ್ಲಿ ನೋಡಿ ಆನಂದಿಸಿ. ಮತ್ತೊಮ್ಮೆ, ಇದು ವಿಚಿತ್ರ ಚಿತ್ರಗಳ ಸ್ಲೈಡ್ ಶೋ ಅಲ್ಲ !

ಕಾಗೆಗಳ ಪಾರ್ಟೀ

2008-09-16T09:30:00.002+05:30

ಮೊದಲೇ ಹೇಳಿಬಿಡ್ತೀನಿ...ಈ ವಿಡಿಯೋ ವಿಚಿತ್ರ ಅಲ್ಲ. ಇದೊಂಥರಾ ಚೆನ್ನಾಗಿರೋ ವೀಡಿಯೋ. ಇದರಲ್ಲಿ ನಾವು ತುಂಬಾ ಕಲಿಯೋದಿದೆ ಅನ್ನಿಸಿತು ನನಗೆ ಈ ವಿಡಿಯೋ ತೆಗೆಯುವಾಗ. ಕಾಗೆಗಳು ಸತ್ತ ಇಲಿಯನ್ನು ತಿನ್ನುತ್ತಿರುವ ವಿಡಿಯೋ ಇದು. ಇದರಲ್ಲಿ ನಾವು ಗಮನಿಸಬೇಕಾದ ಅಂಶ ಏನೆಂದರೆ, ಒಂದು ಕಾಗೆ ಇಲಿಯ ಮಾಂಸವನ್ನು ಎಳೆದುಕೊಂಡು ಹೋದರೆ, ಬೇರೆ ಕಾಗೆಗಳು ಜಗಳವಾಡದೆ, ಅದನ್ನು ತಿನ್ನುವುದಕ್ಕೆ ಬಿಟ್ಟು, ಅದು ತಿಂದ ಮೇಲೆ ಅವು ಬಾಯಿಹಾಕುತ್ತವೆ. ಆಮೇಲೆ ಅವೆಲ್ಲ round ಹೊಡ್ಕೋತಾ ತಿನ್ನುವುದನ್ನು ನೋಡಲು ಒಂಥರಾ ಮಜವಾಗಿದೆ ! ಪಕ್ಕದ ಮನೆಯ ನಾಯಿಯೊಂದು ರೂಮ್ ನಲ್ಲಿ ಬೊಗಳಿತು. ಅದು ಹೊರಗೆ ಬಂತೆಂದು ತಿಳಿದು ಹೆದರಿ ಪಾಪ ಕಾಗೆಗಳು ಹಾರಿ ಹೋದವು ! ಈ ವಿಡಿಯೋ ನ ತೆಗೆಯುವಾಗ ನನಗೊಂದು ಸುಭಾಷಿತ ನೆನಪಾಯ್ತು :

ಕಾಕ ಆಹ್ವಯತೇ ಕಾಕಾನ್ ಯಾಚಕೋ ನ ತು ಯಾಚಕಾನ್ |
ಕಾಕ ಯಾಚಕಯೋರ್ಮಧ್ಯೇ ವರಂ ಕಾಕೋ ನ ಯಾಚಕಃ ||

ಕಾಗೆಗೆ ಆಹಾರ ಸಿಕ್ಕಿದರೆ ಇತರ ಕಾಗೆಗಳನ್ನು ಆಹ್ವಾನಿಸುತ್ತದೆ, ಆದರೆ ಭಿಕ್ಷುಕನಿಗೆ ಊಟ ಸಿಕ್ಕಿದರೆ ಅವನು ಯಾರನ್ನೂ ಆಹ್ವಾನಿಸುವುದಿಲ್ಲ. ಕಾಗೆ ಮತ್ತು ಭಿಕ್ಷುಕರ ಮಧ್ಯೆ ಕಾಗೆಯೇ ಮೇಲು ಹೊರತು ಭಿಕ್ಷುಕನಲ್ಲ ಎಂಬುದು ಈ ಶ್ಲೋಕದ ತಾತ್ಪರ್ಯ.