ಫಲಕೋತ್ಸವ ಸೀಸನ್ ಎರಡು - ೧೯

ಫೋಟೋ ಕಳಿಸಿದವರು ಶ್ರೀಕಾಂತ್ ಕೆ.ಎಸ್.


ಈ ಫಲಕದಲ್ಲಿ ಬರೆದಿರೋದನ್ನ ಒಂದೇ ಬಾರಿಗೆ ಪೂರ್ತಿ ಓದಿಕೊಂಡುಬಿಡಿ , ಮಧ್ಯದಲ್ಲೆಲ್ಲೂ pause ಮಾಡಕೂಡದು :)

ಫಲಕೋತ್ಸವ ಸೀಸನ್ ಎರಡು - ೧೮

ಈ ಫೋಟೋವನ್ನು ಕಳಿಸಿದವರು ಸಹ ಬ್ಲಾಗಿಗ ಶ್ರೀನಿವಾಸ ರಾಜನ್(ಗಂಡಭೇರುಂಡ) . ಹೋಟೆಲ್ ಒಂದರಲ್ಲಿ ದೊಡ್ಡ ಕನ್ನಡಿಯನ್ನಿಟ್ಟು" " ಇಲ್ಲಿ ತಲೆ ಬಾಚಿಕೊಳ್ಳುವ ಹಾಗಿಲ್ಲ"ಅಂತ ಹಾಕಿದರೆ ಕನ್ನಡಿ ಇರೋದು ಯಾಕೆ ? " ಅಂತ ಅವರ ಪ್ರಶ್ನೆ. ಮತ್ತು ಅವರಿಗೆ ಆಂಗ್ಲದಲ್ಲಿ ಬರೆಯುವುದು ಹೇಗೆಂದು ಗೊತ್ತಾಗದೆ ಸಿಕ್ಕಾಪಟ್ಟೆ ಕನ್ ಫ್ಯೂಸ್ ಆಗಿರೋದನ್ನ ನೀವು ಆ ಫಲಕದಲ್ಲೇ ನೋಡಬಹುದು.

ಚಿತ್ರ ವಿಚಿತ್ರಕ್ಕೆ ಒಂದು ವರ್ಷ

ನನ್ನ ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆ ಹಿಡಿದ ವಿಚಿತ್ರ ಚಿತ್ರಗಳನ್ನು ಹಾಕಲಿಕ್ಕೆಂದು ಶುರು ಮಾಡಿದ ಈ ಪುಟ್ಟ ಫೋಟೋಬ್ಲಾಗು ಇಂದು ನಿಮ್ಮೆಲ್ಲರ ಪ್ರೋತ್ಸಾಹ, ಕೊಡುಗೆ ಮತ್ತು ಭಾಗವಹಿಸುವಿಕೆಯಿಂದ ಇಂದಿಗೆ ಒಂದು ವರ್ಷ ಪೂರೈಸಿದೆ. ಪರಿಸರಪ್ರೇಮಿ ಅರುಣರ ಕೊಡುಗೆ, ಸಲಹೆ ಮತ್ತು ಮಾರ್ಗದರ್ಶನದಲ್ಲಿ,ಶ್ರೀಕಾಂತ್ ಹಾಗೂ ಶ್ರೀನಿವಾಸ್ ಅವರ ಚಿತ್ರಕೊಡುಗೆಗಳಿಂದ ಶುರುವಾದ ಈ ಬ್ಲಾಗು ಆನಂತರದಲ್ಲಿ ಓದುಗ ಬಾಂಧವರಿಂದ ಕೊಡುಗೆಗಳನ್ನು ಸ್ವೀಕರಿಸುವ ಮಟ್ಟಕ್ಕೆ ಈಗ ಬೆಳೆದು ನಿಂತಿದೆ. ಫಲಕೋತ್ಸವ ಅಂದುಕೊಂಡಿದ್ದಕ್ಕಿಂತ ಹೆಚ್ಚಿನ ಯಶಸ್ಸನ್ನು ಕಂಡು ಈಗ ಎರಡನೆಯ ಸೀಸನ್ ನಡೆಯುತ್ತಿದೆ. ಈ ಸಂದರ್ಭದಲ್ಲಿ ನಾನು ಬ್ಲಾಗ್ ಯಶಸ್ವಿಯಾಗಲು ಸಹಕರಿಸಿ ಪ್ರೋತ್ಸಾಹಿಸಿದ ನಿಮ್ಮೆಲ್ಲರಿಗೂ ಕೃತಜ್ಞಳಾಗಿದ್ದೇನೆ.

ನಾವು ಫೋಟೋ ತೆಗೆಯಲು ಕ್ಯಾಮೆರಾ ಇರಲೇಬೇಕಲ್ಲವೇ ? ಮೊಬೈಲೋ, ಡಿಜಿಕ್ಯಾಮೋ, ಎಸ್ ಎಲ್ ಆರ್ , ಯಾವುದಿರಲಿ, ನಾನು ಅದಕ್ಕೂ ಕೃತಜ್ಞಳು.ಈ ಸಂದರ್ಭದಲ್ಲಿ ಕ್ಯಾಮೆರಾ ಬೆಳೆದು ಬಂದ ದಾರಿಯ ಒಂದು ಪುಟ್ಟ ಪರಿಚಯ ಮಾಡಿಕೊಳ್ಳುವುದು ಸೂಕ್ತ ಎನಿಸುತ್ತದೆ.

ಕ್ಯಾಮೆರಾದ ಮೊದಲ ರೂಪ ಕ್ಯಾಮೆರಾ ಒಬ್ಸ್ ಕ್ಯೂರಾ (camera obscura). ಇದನ್ನು ಕಂಡುಹಿಡಿದವರು ಇರಾನಿಯನ್ ವಿಜ್ಞಾನಿ Ibn al-Haytham (Alhazen).





ಅಂದಿನಿಂದ ೧೯೯೦ವರೆಗೆ ಆದ ಬೆಳವಣಿಗೆಯನ್ನು ಈ ಲಿಂಕಿನಲ್ಲಿ ಕಾಣಬಹುದು.


ಡಿಜಿಟಲ್ ಫೋಟೋಗ್ರಫಿಯ ಬಗ್ಗೆ ಹೆಚ್ಚು ಜನಕ್ಕೆ ಗೊತ್ತಿದೆ.ಆದ್ದರಿಂದ ಅದನ್ನು ವಿವರಿಸುವ ಅವಶ್ಯಕತೆಯಿಲ್ಲ ಎಂದುಕೊಳ್ಳುತ್ತೇನೆ.

ಈ ಬ್ಲಾಗಿನ ಉಗಮಕ್ಕೆ ಕಾರಣವಾದ ನನ್ನ ಮೊಬೈಲ್ ಫೋನ್ ಮತ್ತು ನಮ್ಮ ತಂಡದ ಮೊಬೈಲ್ ಫೋನ್ ಗಳು ಹಾಗೂ ಕ್ಯಾಮೆರಾಗಳಿಗೆ, ಮತ್ತು ನಿಮ್ಮೆಲ್ಲರ ಕ್ಯಾಮೆರಾಗಳಿಗೂ ಒಂದೊಂದು ಥ್ಯಾಂಕ್ಸ್ !

ಫೋಟೋ ಕೃಪೆ: ವಿಕಿಪೀಡಿಯಾ.

ಫಲಕೋತ್ಸವ ಸೀಸನ್ ಎರಡು - ೧೭

ಫೋಟೋ ಕೃಪೆ : ಜ್ಯೋತಿ.

ಅವರ ವಿವರಣೆ ಇಂತಿದೆ.

ಇದು ಹುಬ್ಬಳ್ಳಿಯಿಂದ ಬದಾಮಿಗೆ ಹೋಗುವಾಗಿ ದಾರಿ ಮಧ್ಯದಲ್ಲಿ ತೆಗೆದಿದ್ದು.
ವೊಡಾಫೋನ್ ವೂಡಾಫೂನ್ ಆದದ್ದು ಯಾವಾಗ ಅಂತ ಗೊತ್ತಾಗ್ಲಿಲ್ಲ!!
ಹಾಗೆ ಹಿಂದೆ ನೋಡಿದ್ರೆ, professional ಅಂತ ಇಂಗ್ಲೀಷ್ ಅಲ್ಲಿ ಸರಿಯಾಗಿ ಬರೆದು, ಕನ್ನಡದಲ್ಲಿ ಯಾಕೋ ಪ್ರೊಪೇಷನಲ್ ಮಾಡಿ ಬಿಟ್ಟಿದ್ದಾರೆ.

ಫಲಕೋತ್ಸವ ಸೀಸನ್ ಎರಡು - ೧೬

ಇಂಥಾ ಬೋರ್ಡನ್ನು ನೀವು ಇದುವರೆಗೂ ನೋಡಿರಲಿಲ್ಲ ಅನ್ಸತ್ತೆ. ನೋಡೀ ಪಾ...ಸಂಪರ್ಕಿಸುವುದಿದ್ದರೆ ಸಂಪರ್ಕಿಸಿ ನೋಡಿ.

ಫೋಟೋ ಕೃಪೆ: ಪ್ರವೀಣ್ ಉಡುಪ (via forwarded mail from Prasad murty)

ಫಲಕೋತ್ಸವ ಸೀಸನ್ ಎರಡು - ೧೫

ಈ ಫೋಟೋವನ್ನು ಕಳಿಸಿಕೊಟ್ಟವರು ಕಾರ್ತಿಕ್.ಸಿ.ಸುನಿಲ್. ಅವರ ವಿವರಣೆ ಇಂತಿದೆ.

"Monne Chikkamagalurina hotel nalli kanda phone-u idu. Reception spelling nodi majavaagide. Ado allade, dial 90 or 100 anta baryakke punyaatma 90R100 ante.. "

ಫಲಕೋತ್ಸವ ಸೀಸನ್ ಎರಡು-೧೪

ಅಪ್ರತಿಮ ವಾಗ್ಮಿ, ಅಸಾಮಾನ್ಯ ಬರಹಗಾರ, ಅಸತ್ಯವನ್ನು ಅನ್ವೇಷಿಸುವಲ್ಲಿ ಸದಾ ನಿರತರಾಗಿರುವ ಸಹ ಬ್ಲಾಗಿಗ ಅಸತ್ಯ ಅನ್ವೇಷಿಯವರು ಅಸತ್ಯವನ್ನು ಅನ್ವೇಷಣೆ ಮಾಡುವ ಕೆಲಸಕ್ಕೆ ಅನಾಮತ್ತಾಗಿ ರಜೆ ಘೋಷಿಸಿ ನಮ್ಮ ಚಿತ್ರ ವಿಚಿತ್ರ ಬ್ಲಾಗಿನ ಫಲಕೋತ್ಸವಕ್ಕೆ ಚಿತ್ರವನ್ನು ಅನ್ವೇಷಣೆ ಮಾಡಿ ಕಳಿಸಿದ್ದಾರೆ :) ಅದಕ್ಕೆ ನಾವು ’ಅ’ತ್ಯಂತ ’ಅ’ಭಾರಿಗಳಾಗಿದ್ದೇವೆ.

ಇದು ಕಾಂಚಿಪುರದ ಪ್ರಸಿದ್ಧ ದೇವಾಲಯವೊಂದರಲ್ಲಿ ತೆಗೆದ ಚಿತ್ರವಂತೆ. ದೇವಸ್ಥಾನದ ಅಧಿಕಾರಿಯವರು ಕನ್ನಡದಲ್ಲಿ ಏನನ್ನು ಹೇಳಲು ಬಯಸುತ್ತಿದ್ದಾರೆ ಅಂತ ನಾನು ವಿವರಿಸುವ ಅವಶ್ಯಕತೆ ಇಲ್ಲ ಅಂತ ಅನ್ನಿಸುತ್ತೆ.

ಅಂದ ಹಾಗೆ ಇದು ಚಿತ್ರವಿಚಿತ್ರದ ಐವತ್ತನೆಯ ಪೋಸ್ಟು. ನಿಮ್ಮ ಪ್ರೋತ್ಸಾಹ ನೀವೆಲ್ಲರೂ ಕಳಿಸುವ ಫೋಟೋಗಳ ಮೂಲಕ ಹೀಗೆ ಇರಲಿ ಎಂದು ಆಶಿಸುತ್ತೇವೆ.

--ಚಿತ್ರ ವಿಚಿತ್ರ ತಂಡ