ಕಾಗೆಗಳ meeting !!

ಇದು ಲಾಲ್ ಬಾಗ್ ನಲ್ಲಿ ಕಂಡ ದೃಶ್ಯ. ಒಂದು ಕಾಗೆ ಒಂದೇ ಸಮನೆ ಕೂಗ್ತಿತ್ತು....ಇನ್ನೆರಡು ಕಾಗೆಗಳು ಬಂದವೂ ಸಹ, ಆದರೆ ಕಡೆಗೆ ಒಂದು ಕಾಗೆ ಸಭಾತ್ಯಾಗ ಮಾಡಿತು (ಕೆಳಗೆ ಕೂತಿದೆ ) ಮತ್ತೊಂದು ಕಾಗೆ ಮೂತಿ ತಿರುಗಿಸಿಕೊಂಡಿತು !! ಅದೇನು ರಾಜಕೀಯ ಚರ್ಚೆ ನಡೀತಿತ್ತೋ ಏನೋ ಪಾ !! ನನಗೆ ಅರ್ಥವಾಗದಿದ್ದರೂ ಮಜವಂತೂ ಬಂತು !!

ಬ್ಲಾಗಲ್ಲಾದ್ರೂ ಇರ್ಲಿ!

ಈ ಚಿತ್ರವನ್ನು ಸೆರೆಹಿಡಿಯಲು ಐಡಿಯಾ ಕೊಟ್ಟ ಶ್ರೀನಿವಾಸ್ ಗೆ ಮತ್ತು ಈ ಫೋಟೋಗಳನ್ನ ಕಳಿಸಿಕೊಟ್ಟ ಶ್ರೀಕಾಂತರಿಗೆ ಅನಂತ ಧನ್ಯವಾದಗಳು. ಇದರ ವಿಶ್ಲೇಷಣೆ ಶ್ರೀಕಾಂತರ ಪದಗಳಲ್ಲಿ -

" ಸಮುದ್ರ ತೀರದಲ್ಲಿ ಕಂಡ ದೃಶ್ಯವಿದು. ಇದನ್ನ ಕೆತ್ತಿರೋದು ರಾತ್ರಿ ಅಲೆಗಳು ಬಂದು ಕೆತ್ತನೆಯನ್ನು ಅಳಿಸಿ ಹೋಗೋ ಜಾಗದಲ್ಲಿ! ಇದನ್ನ ಶ್ರೀನಿವಾಸನಿಗೆ ತೋರ್ಸ್ದಾಗ ಫೋಟೊ ತೆಗ್ದು ಚಿತ್ರ-ವಿಚಿತ್ರ ಬ್ಲಾಗ್-ಗೆ ಹಾಕಕ್ಕೆ ಕಳ್ಸು ಅಂತ ಹೇಳ್ದ. ಪಾಪ, ಕೆತ್ತಿರೋದು ಕಡಲತೀರದಲ್ಲಂತೂ ಉಳಿಯಲ್ಲ. ಬ್ಲಾಗಲ್ಲಾದ್ರೂ ಇರ್ಲಿ!"

ಮತ್ತೊಮ್ಮೆ ಥ್ಯಾಂಕ್ಸ್ ಇಬ್ಬರಿಗೂ !!

ನೀರ್ಕುದುರೆ?

ನೀರಿನಲ್ಲಿ ಜಿಗಿವ ಕುದುರೆ
ದಡದ ಮೇಲೆ ಮಾಡುತಿರುವುದೇನು?
ತಾನು ಕುದುರೆಯೋ ಕಲ್ಲೋ
ನಮ್ಮನೇ ನೋಡುತಿರುವುದೇನು?

ಬೆಂಜಮಿನ್ ನನ್ನು ಬೆರಗುಗೊಳಿಸಿದ ಮಿಂಚು !

14 ಮಾರ್ಚ್ ತಾರೀಖು ಬೆಂಗಳೂರಿನಲ್ಲಿ ಮಿಂಚು ಸಹಿತ ಜೋರು ಮಳೆಯೇ ಸುರಿಯಿತು. ಆಗ ತೆಗೆದ ವಿಡಿಯೋ ಇಲ್ಲಿ ಹಾಕಿದ್ದೇನೆ. ಈ ಮಿಂಚಿನ ಹಿಂದೆ ಖ್ಯಾತ ವಿಜ್ಞಾನಿ ಬೆಂಜಾಮಿನ್ ಫ್ರಾಂಕ್ಲಿನ್ ಅವರ ಸ್ವಾರಸ್ಯಕರ ಕತೆ ಇದೆ. ಇವರು ಮಿಂಚಿನಲ್ಲಿ ವಿದ್ಯುಚ್ಛಕ್ತಿ ಇದೆ ಎಂದು ಪ್ರತಿಪಾದಿಸಲು ಗಾಳಿಪಟಕ್ಕೆ ಕೀಲಿಕೈ ಕಟ್ಟಿ ಮಿಂಚು ಬಂದಾಗ ಗಾಳಿಪಟ ಹಾರಿಸಿ ಶಾಕ್ ಹೊಡೆಸಿಕೊಂಡರು ಪಾಪ !! ಪುಣ್ಯವಶಾತ್ ಏನೂ ದುರಂತ ಸಂಭವಿಸಲಿಲ್ಲ. ಮಿಂಚು ಎಷ್ಟೋ ಜನರ, ಮರಗಳ, ಪ್ರಾಣಿಗಳ ಜೀವ ತೆಗೆಯುತ್ತಿದ್ದ ಕಾಲವದು. ಅವರ ಬುದ್ಧಿಶಕ್ತಿ ಮತ್ತು ದೂರದೃಷ್ಟಿಯ ಪ್ರತಿಫಲವೇ "lightening arrestor" .

ಬ್ರಹ್ಮಾಂಡದ ವಿಸ್ಮಯಗಳನ್ನು ನೋಡಲು, ಆನಂದಿಸಲು, ಪರೀಕ್ಷಿಸಲು, ದಾಖಲಿಸಲು ನಾವು ಸದಾ ಮುನ್ನುಗ್ಗಬೇಕಲ್ಲವೆ ?

ಯಾರಿಗುಂಟು ನಿನ್ನಾನಂದ?

ಬೆಂಗಳೂರಿನ ರಿಚ್ಮಂಡ್ ಸರ್ಕಲ್ ಬಳಿ ಎಲ್ಲರೂ ಕಾಲಿಗೆ ಚಕ್ರ ಕಟ್ಟಿಕೊಂಡು ಧಾವಿಸುವ ಸಮಯದಲ್ಲಿ ತನ್ನ ಲೋಕದಲ್ಲಿ ಮೈ ಮರೆತಿರುವ ಪುಣ್ಯವಂತ ಮಗು ಇದು.

ಮುಂದೆ ನೀ ಹೋದಾಗ ಹಿಂದೆ ನಾ ಬರುವೆ...

It all began with an apple !

ಇದು ಸೇಬು ಹಣ್ಣು ಅಂತ ಎಲ್ಲರ್ಗು ಗೊತ್ತು. ಇದು newton ತಲೆ ಮೇಲೆ ಬಿದ್ದಿದ್ದರಿಂದಲೇ physics ನಲ್ಲಿ ಕ್ರಾಂತಿಯಾಗಿದ್ದು !! ನಾವು " ಧಿಯೋ ಯೋ ನಃ ಪ್ರಚೋದಯಾತ್ " ಅಂತ ಸೂರ್ಯನನ್ನ ಕೇಳುತ್ತೀವಿ ಅಲ್ವ ? newton ನ ಧೀಶಕ್ತಿಯನ್ನು switch on ಮಾಡಲು ಆದಿತ್ಯನು apple ಅನ್ನು ಉಪಯೋಗಿಸಿದ !! ;-)

ಈ apple ನನ್ನ ಕೈಗೆ ಹೇಗೆ ಬಂತು ಅಂತ ಯೋಚಿಸ್ತಿದ್ದೀರ ? newton ತಲೆ ಮೇಲೆ ಬಿದ್ದು ನಂತರ ನೆಲಕ್ಕೆ bounce ಆಗಿ ಬೀಳಬೇಕಿದ್ದ apple ನ ನಾನು catch ಹಿಡಿದೆ ಅಷ್ಟೇ !! ;-)