CAPTCHAA

CAPTCHAA ಯಾರಿಗೆ ಗೊತ್ತಿಲ್ಲ ? ಆದರೂ ಇದರ ಬಗ್ಗೆ ಮಾಹಿತಿ ಕೊಡೋಣ ಅನ್ನಿಸಿತು. ಅದಕ್ಕೇ ಈ ಪೋಸ್ಟು. Disclaimer-ಈ ಬಾರಿ ಪೋಸ್ಟಿನಲ್ಲಿ ವಿಚಿತ್ರವೇನು ಇಲ್ಲ.

ಈ CAPTCHAA ಗಳು ಮೊದಲು ರೂಪುಗೊಂಡದ್ದು challenge-response ಪರೀಕ್ಷೆಯಾಗಿ.ಸವಾಲಿಗೆ ಕಂಪ್ಯೂಟರ್ ಉತ್ತರಿಸದೇ ಮನುಷ್ಯನೊಬ್ಬನು/ಳು ಉತ್ತರಿಸುತ್ತಿದ್ದಾನೆ/ಳೆ ಎಂದು ಖಾತ್ರಿ ಪಡಿಸಿಕೊಳ್ಳಲು ಇದನ್ನು ಬಳಸಿಕೊಳ್ಳಲು ಪ್ರಾರಂಭವಾಯ್ತು. ಕ್ಯಾಪ್ಚಾ ಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಬೆಂಗಳೂರಿನ ಐಟಿ ಹುಡುಗ ಕೃಷ್ಣ ಭರತ್ ಅವರೂ ಒಬ್ಬರು. ವಿವರಗಳಿಗೆ ಇಲ್ಲಿ ಕ್ಲಿಕ್ಕಿಸಿ. ಸ್ಪ್ಯಾಮ್ ತಡೆಗಟ್ಟುವಲ್ಲಿ, ಮತಚಲಾಯಿಸುವಿಕೆಯಲ್ಲಿ ಆಗುವ ಅವಾಂತರಗಳನ್ನು ತಪ್ಪಿಸಲು ಇದನ್ನು ಬಳಸಿಕೊಳ್ಳಲಾಯ್ತು.
ಮೂಲತಃ CAPTCHAA ಅಂದರೆ - "Completely Automated Public Turing test to tell Computers and Humans Apart."ಅಂತ.

ಮೊದಲು ವಿವಿಧರೀತಿಗಳಲ್ಲಿ, ವಿಚಿತ್ರ ಆಕೃತಿಗಳಲ್ಲಿ ಅಕ್ಷರಗಳು ಮತ್ತು ಸಂಖ್ಯೆಗಳು ನಮ್ಮ ಮುಂದೆ ಬರುತ್ತಿದ್ದವು. ಆಮೇಲೆ ಐದಕ್ಷರ ಆರಕ್ಷರದ ಪದಗಳು ಬರಲು ಶುರುವಾದವು.ಅದರಲ್ಲಿ ಮೊದಲು ಅರ್ಥ ತಾತ್ಪರ್ಯ ಸಂಬಂಧವಿಲ್ಲದ ಪದಗಳು ಬರುತ್ತಿದ್ದವು. ಆದರೆ ಇತ್ತೀಚೆಗೆ ಬರುತ್ತಿರುವ ಪದಗಳ ಕೆಲವು ಸ್ಯಾಂಪಲ್ ಗಳು ನಿಮ್ಮ ಮುಂದೆ. ಒಂದು ಕನ್ನಡದ ಪದವನ್ನು, ಮತ್ತೊಂದು ಆಂಗ್ಲಪದವನ್ನು ನೋಡಿ ಖುಷಿ ಪಡಿ.






ಮಜಾ ಇರತ್ತೆ ಅಲ್ವಾ ಇಂಥಾ ಪದಗಳನ್ನ ಟೈಪ್ ಮಾಡಕ್ಕೆ ?

ಫೋಟೋ ಕೃಪೆ - ಜಯಶಂಕರ್ ಎ.ಎನ್.
ಮಾಹಿತಿ-ವಿಕಿಪಿಡಿಯಾ

ಕೋತಿರಾಮ

ಈ ಬಾರಿ ಒಬ್ಬ ವಿಶೇಷ ವ್ಯಕ್ತಿಯನ್ನು ಪರಿಚಯ ಮಾಡಿಕೊಡುವ ಭಾಗ್ಯ ಚಿತ್ರವಿಚಿತ್ರ ತಂಡಕ್ಕೆ ಪಾಲಚಂದ್ರ ರವರ ದೆಸೆಯಿಂದ ಲಭಿಸಿದೆ. ಅವರೇ ಈ ವ್ಯಕ್ತಿಯ ಫೋಟೋಗಳನ್ನು ಕಳುಹಿಸಿಕೊಟ್ಟಿದ್ದು. ವಿವರಗಳನ್ನು ಕೂಡಾ ಅವರೇ ಕಳಿಸಿದ್ದು.ಅವರು ನೀಡಿರುವ ವಿವರ ಇಂತಿದೆ:

" "ಕೋತಿ ರಾಮ" ಎಂದೇ ಖ್ಯಾತರಾದ ತಮಿಳುನಾಡಿನ ಮೂಲದವರಾದ ಜ್ಯೋತಿರಾಜ್, ದುರ್ಗದ ಕೋಟೆಯ ಗೋಡೆಯನ್ನು ಉಡದಂತೆ ಯಾವುದರ ಸಹಾಯವೂ ಇಲ್ಲದೇ ಲೀಲಾಜಾಲವಾಗಿ ಏರ ಬಲ್ಲರು. ಬರೀ ಏರುವುದಷ್ಟೇ ಅಲ್ಲದೆ ಗೋಡೆ ಹತ್ತುತ್ತಾ ಲಾಗ ಕೂಡ ಹಾಕಬಲ್ಲರು. ರಾಕ್ ಕ್ಲೈಂಬಿಂಗಿನಲ್ಲಿ ಪ್ರಪಂಚದಲ್ಲಿ ಮೂರನೇ ಸ್ಥಾನ ಎಂದು ಅವರನ್ನು ಮಾತನಾಡಿಸಿದಾಗ ತಿಳಿದು ಬಂದ ಸಂಗತಿ."

ಕೋತಿಚೇಷ್ಟೆ

ನಾವು ಪ್ರಾಣಿ ಚೇಷ್ಟೆ ಸೀರೀಸ್ ಮುಗಿಸಿದ ದಿನ ಸನ್ಮಾನ್ಯ ಮೌನಗಾಳದ ಸುಶ್ರುತ ರವರು ನಮಗೆ ಕಳಿಸಿಕೊಟ್ಟ ಚಿತ್ರಗಳಿವು. ನಾವು ಸೀರೀಸ್ ನಡೆಸುವಾಗ ಕೆಲವು ಕಮೆಂಟುಗಳಲ್ಲಿ ಪ್ರಾಣಿಗಳ ಪ್ಲಾಸ್ಟಿಕ್ ಸೇವನೆ ಬಗ್ಗೆ ವಿಷಾದ, ಅಸಮಾಧಾನಗಳು ವ್ಯಕ್ತವಾಗಿದ್ದವು. ಅದನ್ನು ನಾವೂ ಅನುಮೋದಿಸುತ್ತೇವೆ. ನಂದಿಬೆಟ್ಟದಲ್ಲಿ ಕೋತಿಗಳ ಕಾಟವು ಹೆಚ್ಚೆಂದು ಕೇಳ್ಪಟ್ಟವರು ಈಗ ಅದನ್ನು ಈ ಚಿತ್ರಗಳಲ್ಲಿ ನೋಡಬಹುದು. ಕೋತಿಗಳು ಹೀಗೆ ಉಗ್ರನರಸಿಂಹಗಳಾಗಲು ಕಾರಣವೇನೆಂದು ನಮ್ಮ ಸಹಬ್ಲಾಗಿಗರಾದ ಪರಿಸರಪ್ರೇಮಿ ಅರುಣ್ ಅವರು ಈ ಲೇಖನದಲ್ಲಿ ವಿವರಿಸುತ್ತಾರೆ. ನಾವೇ ಪ್ರಾಣಿಗಳಿಗೆ ಆಹಾರ ತಿನ್ನಿಸಿ ಅಭ್ಯಾಸ ಮಾಡಿದುದರ ಪರಮಾವಧಿ ಇದೇನೋ ! ಈ ಚಿತ್ರವು ವಿಶೇಷ, ವಿಚಿತ್ರ, ಇವ್ಯಾವ ಹಣೆಪಟ್ಟಿಗೂ ಒಳಪಡದೇ, ನೇರವಾಗಿ ವಿಷಾದದ ಕೆಟೆಗರಿಗೆ ಸೇರತ್ತೆ.

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು- ೧೫

:)

ಫೋಟೋ ಕೃಪೆ : ಕಾರ್ತಿಕ್. ಸಿ. ಸುನಿಲ್

ಇದರೊಂದಿಗೆ, ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು ಸರಣಿಯನ್ನು ಮುಗಿಸುತ್ತಿದ್ದೇವೆ.

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೧೪

ಇದನ್ನ ನೋಡಿದರೆ ನನಗೆ ನೆನಪಾಗೋ ಹಾಡು - ಕೊಯಿ ಹಂ ದಂ ನ ರಹಾ...ಕೊಯಿ ಸಹಾರಾ ನಾ ರಹಾ...

ಫೋಟೋ- ಕಾರ್ತಿಕ್ ಸಿ ಸುನಿಲ್

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೧೩

ಹಸಿವಾಗ್ತಿದ್ಯಾ ? ನಿಮಗೂ ಬೇಕಾ ?

ಫೋಟೋ: ಕಾರ್ತಿಕ್ ಸಿ. ಸುನಿಲ್

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು - ೧೨

ಅಂಥಿಂಥಾ ಮಿನೆರಲ್ ವಾಟರ್ ಆಗಲ್ಲ...ಬಿಸ್ಲೆರಿ ನೇ ಆಗ್ಬೇಕು ! :)

ಫೋಟೋ ಕೃಪೆ: ಕಾರ್ತಿಕ್ ಸಿ. ಸುನಿಲ್

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು - ೧೧

gossipping ಕೋತಿಗಳು ! :)

ಫೋಟೋ :ಪಾಲಚಂದ್ರ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೧೦

ಮತ್ತೊಂದು ಕ್ರೋ ಪಾರ್ಟೀ...
ನಾನೇ ಲೀಡರ್ರು....

ಇರ್ಲಿ...ಇನ್ನೊಂದು ಫೋಟೋ ತೆಗಿರಿ ಪರ್ವಾಗಿಲ್ಲ...ಪ್ಲೀಜ್ !

ಫೋಟೋಗಳು: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೯

ಫಲಕವನ್ನ ನೋಡಿ. ಆನಂತರ ಆ ನಾಯಿ ಅಲ್ಲಿ ಏಕೆ ನಿಂತಿದೆ ಅಂತ ನಮಗೆ explain ಮಾಡಿ !

ಫೋಟೋ: ಅರುಣ್ ಎಲ್.

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೮

ಮುಖ ತಿರುಗಿಸಿಕೊಂಡ ಜೋಡಿ ಹಕ್ಕಿಗಳು.

ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೭

ಬೆಂಗಳೂರಿನ ಸ್ಟಾಕ್ ಎಕ್ಸ್ ಚೇಂಜ್ ಕಟ್ಟಡದಲ್ಲಿ ಕಂಡ ಕೋತಿ...ಮರಕ್ಕೆ ನೆಗೆಯಲೋಬೇಡವೋ ಎಂದು ಯೋಚನಾಲಹರಿಯಲ್ಲಿ ಮುಳುಗಿದೆ !

ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೬

ನಾಯಿಯೊಂದು ತುಳಸಿ ಗಿಡಕ್ಕೆ ಹಾಕಿರುವ ನೀರನ್ನ ಕುಡಿಯುತ್ತಿರುವ ಪರಿಯನ್ನು ನೋಡಿ !
ಫೋಟೋ : ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೫

ಎಮ್ಮೆ ಇನ್ ಅ ನ್ಯಾಚುರಲ್ ಸ್ವಿಮ್ಮಿಂಗ್ ಪೂಲ್ ! ಕಡೂರು ಜಿಲ್ಲೆಯ ದೇವನೂರಿಗೆ ಪಯಣಿಸುತ್ತಾ ದಾರಿಯಲ್ಲಿ ಕಂಡ ದೃಶ್ಯವಿದು. ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೪

ಭೌತ ಶಾಸ್ತ್ರದಲ್ಲಿ ಒಂದು ವಿವರಣೆ ಇದೆ- " Forces when equal in magnitude but opposite in direction cancel each other " ಅಂತ. ಇವೆರಡು ನಾಯಿಗಳನ್ನು ನೋಡಿದಾಗ ನನಗೆ ಅದೇ ನೆನಪಾಗಿದ್ದು ! ಮಂಗಳೂರಿನ ಬಿಜೈ ಮ್ಯೂಸಿಯಂ ಗೆ ಹೋದಾಗ ಕಂಡ ದೃಶ್ಯವಿದು.

ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು-೩

ಕೋತಿ ಮೊಸರನ್ನ ತಿಂದು ಮೇಕೆಯ ಮೂತಿಗೆ ಮೆತ್ತಿದ ಕಥೆ ಗೊತ್ತಲ್ಲಾ ? ಇಲ್ಲೂ ಅದೇ ನಡೆಯುತ್ತಿರುವ ಹಾಗಿದೆ !

ಫೋಟೋ : ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು - ೨

ಪಾಪ ! ಕೋತಿಯ ಅಳುಮುಖ ಮತ್ತು ಸಪ್ಪೆ ಮುಖ ನೋಡಿದವರಿಗೆ ಹೀಗೆ ಅನ್ನಬೇಕು ಅನ್ನಿಸತ್ತೆ ಅಲ್ವಾ ?

ಫೋಟೋ: ಲಕ್ಷ್ಮೀ

ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು - ೧

ನಮ್ಮ ಮುಂದಿನ ಸರಣಿ ವಿಚಿತ್ರ ವಿಶೇಷ ಪ್ರಾಣಿ ಚೇಷ್ಟೆಗಳು. ಈ ಕೆಳಗಿನ ಫೋಟೋ ಕಳಿಸಿಕೊಟ್ಟವರು ನಾಗಾಭರಣ ಅವರು. ಹಂಪೆಯಲ್ಲಿ ಕಂಡ ದೃಶ್ಯವಿದು. ಕೋತಿಯೊಂದು ಬಾಟಲಿಯನ್ನು ಹಿಡಿದುಕೊಂಡು ನೀರು ಕುಡಿಯುತ್ತಿರುವ ಭಂಗಿಯನ್ನು ನೋಡಿ!

ಹೀಗೂ ಉಂಟೇ ?

ಹೀಗೂ ಉಂಟೇ ?

ಫೋಟೋ ಕೃಪೆ: ಅರುಣ್ ಎಲ್.

ವಿಶೇಷ ಕಸದಬುಟ್ಟಿ

ಇದು ಲಾಲ್ ಬಾಗ್ ನಲ್ಲಿ ಕಂಡ ಒಂದು ವಿಶೇಷ ಕಸದ ಬುಟ್ಟಿ. ಕಡಿದ ಮರದ ಭಾಗದ ತರಹ ಕಾಣತ್ತೆ. creative ಅಲ್ವಾ ?

ಫೋಟೋ ಕೃಪೆ: ಕಾರ್ತಿಕ್ ಸಿ.ಎಸ್.

ಯಾರೇ ಕೂಗಾಡಲಿ...

ಈ ಚಿತ್ರ ನೋಡಿದರೆ ಯಾರು ನೆನಪಾಗುತ್ತಾರೆ, ಯಾವ ಹಾಡು ನೆನಪಾಗುತ್ತೆ ಅಂತ ಹೇಳಬೇಕಿಲ್ಲ ಅಲ್ಲವೇ ?

ಫೋಟೋ ಕೃಪೆ: ಪಾಲಚಂದ್ರ

ಗಮಕ ಸುಧಾ ಧಾರೆ

ಕರ್ನಾಟಕದಲ್ಲಿ ಜನಪದ ಸಂಗೀತದಷ್ಟೇ ಪ್ರಸಿದ್ಧವಾಗಿರುವುದು ಗಮಕ ಕಲೆ ಮತ್ತು ಗಮಕ ಶೈಲಿಯ ಗಾಯನ. ಗಮಕ ಎಂದ ತಕ್ಷಣ ಎಲ್ಲರಿಗು ನೆನಪಾಗುವುದು ಕುಮಾರವ್ಯಾಸನ "ಕರ್ನಾಟ ಭಾರತ ಕಥಾ ಮಂಜರಿ "ಯ ವಾಚನ ಮತ್ತು ವ್ಯಾಖ್ಯಾನ. ಕುಮಾರವ್ಯಾಸನ ಕಾವ್ಯ ಮಾತ್ರವಲ್ಲದೆ, ಲಕ್ಷ್ಮೀಶನ ಜೈಮಿನಿ ಭಾರತ, ತೊರವೆ ರಾಮಾಯಣ ಮುಂತಾದ ಕಾವ್ಯಗಳು ಕೂಡ ಪ್ರಚಲಿತವಾಗಿವೆ. ಹೊಸ ಪ್ರಯೋಗಗಳಿಗೆ ಹೆಸರಾದ ಪ್ರಣತಿ ಸಂಸ್ಥೆಯು [www.pranati.in] ಗಮಕ ವಾಚನ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದೆ. ವಾಚನದ ಭಾಗ ರಾಷ್ಟ್ರಕವಿ ಕುವೆಂಪುರವರ ಶ್ರೀ ರಾಮಾಯಣ ದರ್ಶನಂ ಕಾವ್ಯದ "ಶಬರಿಗಾದನು ಅತಿಥಿ ದಾಶರಥಿ". ಜುಲೈ ಹದಿನೆಂಟು ೨೦೦೯ ರ ಸಾಯಂಕಾಲ ಐದು ಘಂಟೆ ಗೆ Indian Insitute of World culture ನಲ್ಲಿ ನಡೆಯುವ ಈ ಕಾರ್ಯಕ್ರಮಕ್ಕೆ ನೀವೆಲ್ಲರೂ ಅತಿಥಿಗಳಾಗಿ ಆಗಮಿಸಿ ಗಮಕ ವಾಚನದ ಆತಿಥ್ಯವನ್ನು ಸ್ವೀಕರಿಸಬೇಕೆಂದು ಕೇಳಿಕೊಳ್ಳುತ್ತೇನೆ.

ವಿಶೇಷ ವಿಚಿತ್ರ ವಾಹನಗಳು- ೫

ಇಂಥಾ ಭವ್ಯ, ದಿವ್ಯ, ಅತ್ಯಂತ ಪ್ರಾಚೀನ ಗಾಡಿಯೊಂದರಲ್ಲಿ ಪ್ರಯಾಣಿಸುವ ಭಾಗ್ಯವನ್ನು ನನಗೆ ಒದಗಿಸಿಕೊಟ್ಟು, ಇದರ ತುಕ್ಕು ಹಿಡಿದ ಹ್ಯಾಂಡಲ್ ನನಗೆ ಚುಚ್ಚಿದರೂ ನನಗೇನು ಆಗದ ಹಾಗೆ ಕಾಪಾಡಿದ ಸದ್ಯೋಜಾತನಿಗೆ ಸಾಷ್ಟಾಂಗ ನಮಸ್ಕಾರಗಳನ್ನು ಸಲ್ಲಿಸುತ್ತಾ, ಇದು ಚಿತ್ರ ವಿಚಿತ್ರದ ಎಪ್ಪತ್ತೈದನೆಯ ಪೋಸ್ಟು ಎಂದು ನಿಮಗೆ ತಿಳಿಸುತ್ತಾ, ಈ ವಿಚಿತ್ರ ವಿಶೇಷ ವಾಹನಗಳ ಸೀರೀಸ್ ಅನ್ನು ಮುಕ್ತಾಯಗೊಳಿಸುತ್ತಿದ್ದೇವೆ.

ಫೋಟೋ: ಲಕ್ಷ್ಮೀ

ವಿಶೇಷ ವಿಚಿತ್ರ ವಾಹನಗಳು- ೪

ಈ ಫೋಟೋ ಗಳನ್ನು ಕಳಿಸಿಕೊಟ್ಟವರು ಪಾಲಚಂದ್ರ. ಈ ವರ್ಷ ನಡೆದ ಏರೋ ಇಂಡಿಯಾದ ಏರ್ ಶೋವಿನ ಕೆಲವು ವಿಶೇಷ ಚಿತ್ರಗಳು.

ವಿಶೇಷ ವಿಚಿತ್ರ ವಾಹನಗಳು- ೩

ಇಲ್ಲೊಂದು ಸ್ಲಿಡ್ ಶೋ ಇದೆ. ಇದು ಬೆಂಗಳೂರಿನ ಎಚ್. ಏ. ಎಲ್. ವಿಮಾನ ನಿಲ್ದಾಣದ ಹತ್ತಿರ ಎಚ್.ಏ.ಎಲ್ ಸಂಸ್ಥೆ ವಿಮಾನ ಸಂಗ್ರಹಾಲಯ ಮತ್ತು ವಸ್ತು ಸಂಗ್ರಹಾಲಯ ನಿರ್ಮಿಸಿದೆ. ನಾನು ಅಲ್ಲಿಗೆ ಎರಡು ತಿಂಗಳ ಹಿಂದೆ ಭೇಟಿ ನೀಡಿದ್ದೆ. ಅಲ್ಲಿನ ವಿಶೇಷ ವಿಮಾನಗಳ ಚಿತ್ರಗಳು ಇಲ್ಲಿವೆ. ಸಂಗ್ರಹಾಲಯಕ್ಕೆ ಭೇಟಿ ನೀಡಲು ಎಲ್ಲರಿಗೂ ಅವಕಾಶ ಇದೆ. ಖಂಡಿತಾ ಹೋಗಿ ಬನ್ನಿ.

ವಿಶೇಷ ವಿಚಿತ್ರ ವಾಹನಗಳು - ೨

ಈ ಚಿತ್ರಗಳನ್ನು ಕಳಿಸಿಕೊಟ್ಟವರು ವಿಜಯ್ ಶಂಕರ್. ಇದನ್ನು ನೋಡಿ ನನಗೆ "ಕಾರ್ ಕಾರ್" ಹಾಡು ನೆನಪಾಯ್ತು. ತಮ್ಮ ಜೀವವನ್ನೇ ಪಣಕ್ಕೆ ಒಡ್ಡಿ ಬಸ್ ಮೇಲೆ ಹತ್ತಿ ಕುಳಿತಿರುವ ಇವರೆಲ್ಲರನ್ನು ಪರಮಾತ್ಮ ಕಾಪಾಡಲಿ.

ವಿಶೇಷ ವಿಚಿತ್ರ ವಾಹನಗಳು - ೧

ಫಲಕಗಳಾಯ್ತು, ಕಸದಬುಟ್ಟಿಗಳಾಯಿತು, ಈಗ ವಾಹನಗಳ ಸರದಿ. ಹೌದು. ನಮ್ಮ ಹೊಸ ಸೀರೀಸ್ ನಲ್ಲಿ ನಾವು ವಿಚಿತ್ರ ವಿಶೇಷ ವಾಹನಗಳನ್ನು ನಿಮ್ಮ ಮುಂದೆ ಇಡಲಿದ್ದೇವೆ.




ಈ ಫೋಟೋಗಳನ್ನು ಕಳಿಸಿಕೊಟ್ಟವರು ಪಾಲಚಂದ್ರ [http://palachandra.blogspot.com]. ಕೆಳಗಿನದ್ದು ಅವರು ನೀಡಿರುವ ವಿವರಣೆ. ಅವರು ನನಗೆ ಎಡಿಟ್ ಮಾಡಲು ಹೇಳಿದ್ದರಾದರೂ, ಇದೇ ಶೈಲಿ ಚೆನ್ನ ಅನ್ನಿಸಿ ಇದ್ದಿದ್ದನ್ನು ಇದ್ದಹಾಗೇ ಇಲ್ಲಿ ನೀಡಿದ್ದೇನೆ.

ಎನ್ಫೀಲ್ಡ್ ಬೈಕನ್ನ ಬದಲಾಯಿಸಿ ರಿಕ್ಷಾ ತರ ಓಡಿಸ್ಕೊಂಡು ಹೋಗೋದು. ಇದು ಗುಜಾರಾತಿನ ಹಳ್ಳಿಗಳಲ್ಲಿ ಫೇಮಸ್ಸು. ಡಿಸಲ್ ಹಾಕಿ ಓಡ್ಸೋ ಇದರಲ್ಲಿ ಸುಮಾರು ೮-೧೦ ಕಿ.ಮೀ. ವರೆಗೂ ಪ್ರಯಾಣಿಸಿದರೂ ೫ ರೂ. ಅಷ್ಟೆ. ಅದೂ ಓಪನ್ ಟಾಪು, ಸಕ್ಕತ್ ಮಜಾ ಬರುತ್ತೆ ಪ್ರಯಾಣ ಮಾಡೋಕೆ. ಬೆಂಗ್ಳೂರ್ ತರ ಪೇಟೆ ರಿಕ್ಷ ಆದ್ರೆ ಬರೀ ಕಪ್ಪು, ಹಳದಿ ಕಲರ್ ಆದ್ರೆ ಅಲ್ಲಿನ ರಿಕ್ಷಾಗಳು ಕಲರ್ ಕಲರ್, ಅದೂ ಒಳ್ಳೋಳ್ಳೆ ಚಿತ್ರ, ಜರಿ ಎಲ್ಲಾ ಸಿಂಗರ್ಸಿರ್ತಾರೆ. ಕಲೆಗೆ ಕಲೆ,Cost cutting ಗೆ cost cutting. ಟಾಪ್ ಇರೋದೂ ಇದೆ..








ಕಳೆದ ವಾರ ಕೇಳಿದ ಪ್ರಶ್ನೆಗೆ ಉತ್ತರಗಳು:

೧. Furniture
೨. ನಾಲ್ಕು ಸ್ಪೆಲ್ಲಿಂಗ್ ಮಿಸ್ಟೇಕುಗಳಿದ್ದವು. ಐದನೆಯದು name of agency. ಅಲ್ಲಿ, ಕಂಪನಿಯ ಹೆಸರು ಹಾಕುವ ಬದಲು ಕಂಪನಿಯ ಮಾಲೀಕನ ಹೆಸರು ಹಾಕಿದ್ದಾರೆ. ಒಟ್ಟು ಐದು ತಪ್ಪುಗಳು.

ಫಲಕೋತ್ಸವಕ್ಕೆ ಬಿಡುವು

ಓದುಗ ಬಾಂಧವರಿಗೆ Team ಚಿತ್ರ ವಿಚಿತ್ರ ಮಾಡುವ ನಮಸ್ಕಾರಗಳು.

ಕಳೆದ ವರ್ಷ ಜುಲೈ ತಿಂಗಳಲ್ಲಿ ಆರಂಭವಾದ ಫಲಕೋತ್ಸವ ಈ ಮೇ ತಿಂಗಳಿಗೆ ಎರಡು ಸೀಸನ್ ಗಳನ್ನು ಕಂಡಿದೆ. ನೀವು ಕಳಿಸುತ್ತಿರುವ ಫಲಕಗಳು ನಮ್ಮ ಉತ್ಸಾಹವನ್ನು ಮತ್ತಷ್ಟು ಹೆಚ್ಚಿಸಿದೆ. ನಾವು ಮೊದಲನೆಯ ಸೀಸನ್ ನಲ್ಲಿ ಹತ್ತು ಫಲಕಗಳನ್ನು ಪ್ರದರ್ಶಿಸಿದ್ದೆವು. ಈ ಸೀಸನ್ ನಲ್ಲಿ ಇಪ್ಪತ್ತಕ್ಕೆ ನಿಲ್ಲಿಸುವ ಉದ್ದೇಶವಿತ್ತಾದರೂ, ಒಂದೊಂದಾಗಿ ನಮಗೆ ತಲುಪುತ್ತಿದ್ದ ಫಲಕಗಳು "ಇದನ್ನು ಹಾಕಿಯೇ ಬಿಡುವ" ಎನ್ನುವಂತೆ ಪ್ರೇರೇಪಿಸುತ್ತಿತ್ತು. ಹಾಗಾಗಿ ನಾವು ಒಂದೇ ಪೋಸ್ಟಿನಲ್ಲಿ ಎರಡು ಮೂರು ಚಿತ್ರಗಳನ್ನು ಹಾಕುವ ಪ್ರಯೋಗವನ್ನು ಮಾಡಿದೆವು. ನೀವು ಅದಕ್ಕೂ ಬೆನ್ನು ತಟ್ಟಿ ಪ್ರೋತ್ಸಾಹಿಸಿದಿರಿ. ನಿಮಗೆಲ್ಲರಿಗೂ ನಮ್ಮ ಧನ್ಯವಾದಗಳು.

ಇಪ್ಪತ್ತಕ್ಕೆ ನಿಲ್ಲಬೇಕಿದ್ದ ನಮ್ಮ ದ್ವಿತೀಯ ಸೀಸನ್ ಈಗ ಮೂವತ್ತು ತಲುಪಿವೆ. ನಾವು ತೆಗೆದಿರುವ ಫೋಟೋಗಳು ಮತ್ತು ನೀವು ಕಳಿಸಿರುವ ಫೋಟೋಗಳು ಇನ್ನೂ ಬಾಕಿ ಇವೆ. ಆದರೆ ಬರೀ ಫಲಕಗಳನ್ನು ಹಾಕತ್ತಿದ್ದರೆ ಅದು ಯಾಂತ್ರಿಕವೆನಿಸಿಬಿಡುತ್ತದೆ. ಕಾಲಾಂತರದಲ್ಲಿ ಬೋರ್ ಆಗಲಿಕ್ಕೂ ಸಾಕು. ಹಾಗಾಗಿ ಫಲಕೋತ್ಸವಕ್ಕೆ ಒಂದೆರಡು ತಿಂಗಳು ಬಿಡುವು ಕೊಟ್ಟು, ಮತ್ತಷ್ಟು ಹಾಸ್ಯಮಯ, ವಿಚಿತ್ರ, ವಿಶೇಷ ಫಲಕಗಳೊಂದಿಗೆ ಮೂರನೆಯ ಸೀಸನ್ ನಲ್ಲಿ ನಿಮ್ಮನ್ನು ರಂಜಿಸಲಿದ್ದೇವೆ. ನೀವು ಫಲಕಗಳನ್ನು ಖಂಡಿತಾ ಕಳಿಸುತ್ತಿರಬಹುದು, ನಾವು ಅದನ್ನು ಫಲಕೋತ್ಸವದ ಮೂರನೆಯ ಸೀಸನ್ ನಲ್ಲಿ ಖಂಡಿತಾ ಪ್ರಕಟಿಸುವೆವು.

ಮುಂದಿನ ಮಂಗಳವಾರದಿಂದ ಹೊಸದೊಂದು ಸೀರೀಸ್ ಪ್ರಾರಂಭವಾಗಲಿದೆ. ನಿಮ್ಮ ಪ್ರೋತ್ಸಾಹದಾಯಕ ಕಮೆಂಟುಗಳ,ಮತ್ತಷ್ಟು ಚಿತ್ರಗಳ ನಿರೀಕ್ಷೆಯಲ್ಲಿದ್ದೇವೆ.

ಧನ್ಯವಾದಗಳೊಂದಿಗೆ,

Team ಚಿತ್ರ ವಿಚಿತ್ರ .

ಫಲಕೋತ್ಸವ ಸೀಸನ್ ಎರಡು - ೩೦

ಇಷ್ಟು ದಿನ ಫಲಕೋತ್ಸವದಲ್ಲಿ ನಾವೆಂದೂ ನಿಮ್ಮನ್ನು, " ಇಂಥದ್ದನ್ನು ಹುಡುಕಿ, ಇಂಥದ್ದನ್ನು ಮಾಡಿ" ಅಂತ ಕೇಳಿರಲಿಲ್ಲ. ಇವತ್ತು, ಓದುಗ ಬಾಂಧವರಿಗೆ ಒಂದು ಸಣ್ಣ...ಅಲ್ಲಲ್ಲ...ಎರಡು ಸಣ್ಣ ಪರೀಕ್ಷೆಗಳು.

ಪರೀಕ್ಷೆ 1. ಇದೊಂದು ಆಂಗ್ಲ ಫಲಕ. ಇದರಲ್ಲಿ ಅವರು ಮಾರಾಟಕ್ಕೆ ಇಟ್ಟಿರುವ ವಸ್ತು ಏನೆಂದು ನೀವು ಕಂಡುಹಿಡಿಯಬೇಕು. ನಿಮಗೆ ಸ್ಪೆಲ್ಲಿಂಗ್ ಅರ್ಥವಾದರೆ ಮತ್ತು ನೀವು ಈ ಪರೀಕ್ಷೆಯಲ್ಲಿ ಉತ್ತೀರ್ಣರಾದರೆ ನಾವು ನಿಮಗೆ "ಪ್ರಳಯಾಂತಕ ಬುದ್ಧಿವಂತ"ಎಂಬ ಬಿರುದನ್ನ ಪ್ರದಾನ ಮಾಡುತ್ತೇವೆ. [:)]




ಫೋಟೋ: ಲಕ್ಷ್ಮೀ.


ಪರೀಕ್ಷೆ 2. ಈ ಫಲಕದಲ್ಲಿ ಎಷ್ಟು ತಪ್ಪುಗಳಿವೆ ಅಂತ ನೀವು ಎಣಿಸಿ ನಮಗೆ ಹೇಳಬೇಕು. ಇದರಲ್ಲಿ ಉತ್ತೀರ್ಣರಾದವರಿಗೆ "ಸಂಖ್ಯಾಶಾಸ್ತ್ರ ಶಿರೋಮಣಿ" ಎಂಬ ಬಿರುದನ್ನು ನೀಡಲಾಗುತ್ತದೆ.






ಫೋಟೋ: ಜಯಶಂಕರ್ ಎ. ಎನ್. [http://anjshankar.blogspot.com]

ಎರಡು ಫೋಟೋ ಪರೀಕ್ಷೆಯಲ್ಲಿ ಉತ್ತೀರ್ಣರಾದವರಿಗೆ " ಪ್ರಕಾಂಡ ಪಂಡಿತ" ಅನ್ನೋ ಸರ್ಟಿಫಿಕೇಟನ್ನು ನೀಡಲಾಗುತ್ತೆ.

By the way, ಉತ್ತರ ಮುಂದಿನ ವಾರ.

ಫಲಕೋತ್ಸವ ಸೀಸನ್ ಎರಡು - ೨೯

ಈ ಬಾರಿ ಮೂರು ಫೋಟೋಗಳನ್ನ ಒಂದೇ sub-heading ಅಡಿಯಲ್ಲಿ ಹಾಕುವ ಪ್ರಯತ್ನ ಮಾಡಿದ್ದೇವೆ. Sub heading- Silly mistakes. ಇದು ಹಿಂದಿನ ಫಲಕಗಳ ತರಹ Technically incorrect ಅಲ್ಲ. ಸ್ಪೆಲ್ಲಿಂಗ್ ಮಿಸ್ಟೇಕುಗಳು, ಆದರೂ ಓದಲು ಮಜವಾಗಿರುವಂಥವು. ಈ ಫೋಟೋಗಳನ್ನು ಕಳಿಸಿಕೊಟ್ಟವರು ಜಯಶಂಕರ್ ಮತ್ತು ಪೃಥ್ವಿರಾಜ್ .

ಫೋಟೋ ಕೃಪೆ: ಜಯಶಂಕರ್ ಎ. ಎನ್. [ಅಂತರ್ವಾಣಿ- http://anjshankar.blogspot.com]

ಫೋಟೋ ಕೃಪೆ: ಪೃಥ್ವಿರಾಜ್ ಪಿ. [http://prith-view.blogspot.com]

ಫೋಟೋ ಕೃಪೆ: ಪೃಥ್ವಿರಾಜ್ ಪಿ. [http://prith-view.blogspot.com]

ಫಲಕೋತ್ಸವ ಸೀಸನ್ ಎರಡು - ೨೮

ತರ್ಜುಮೆಯಲ್ಲಿ ಮಾಲಪ್ರೋಪಿಸಮ್![Malapropism - an act or habit of misusing words ridiculously, esp. by the confusion of words that are similar in sound.]


ಫೋಟೋ: ಪರಿಸರಪ್ರೇಮಿ.


ಇನ್ನೊಂದು ಫಲಕ ತರ್ಜುಮೆ ಮಾಡುವಾಗ ಆಗುವ ತಪ್ಪಿನದ್ದು. ಕನ್ನಡ ಹಾಗೂ ಆಂಗ್ಲ ಭಾಷೆಯ ಪಠ್ಯಗಳನ್ನು ಗಮನಿಸಿ.





ಫೋಟೋ: ಲಕ್ಷ್ಮೀ